ჯერ კიდევ მაშინ, როცა აქტუალური მოდელი იყო და ახლის რანგში იყიდებოდა, Jeep Grand Cherokee-ის მესამე თაობა ფაქტობრივად საიდუმლო რჩევა იყო ე.წ. Smart Shopper-ებისთვის - ანუ, მათთვის, ვინც ამ კლასში ერთ-ერთ საუკეთესო ავტომობილს ეძებდა მისაღებ ფასად. ამის მიზეზი ის გახლდათ, რომ ევროპის ბაზრისთვის, ავსტრიის ქალაქ
შესაბამისად, დღეს, აქ და ახლა, Jeep Grand Cherokee-ის მესამე თაობა მეორადი ავტომობილის რანგშიც არანაკლებ საინტერესო ავტომობილია. უფრო სწორად, ვინიცობაა, მეორადის რანგში კიდევ უფრო საინტერესოც იყოს, რადგან საქმე ისაა, რომ Jeep-ის მარკის ავტომობილებს, დროთა განმავლობაში, ფასი გაცილებით მეტად აკლდებათ, ვიდრე თუნდაც ამერიკაში წარმოებულ ”მერსედესებს”. ამრიგად, მესამე თაობის Grand Cherokee მეორადის რანგში კიდევ უფრო იაფი ღირს, ვიდრე იმავე ასაკის Mercedes ML.
ამერიკული V8 ბევრს წვავს, მაგრამ მაგრადაც მუშაობს!
თუმცაღა, Jeep Grand Cherokee, ზოგადად, პირველ რიგში იმიტომ კი არ უყვართ, რომ დიზელის ძრავით ეკონომიური უნდა იყოს, არამედ, ყველაზე მეტად, მას ამერიკული გემოვნების მქონე ავტომოყვარულები აღმერთებენ. ეს კი, ხომ იცით, რასაც ნიშნავს: დიდი ძრავები შესაბამისი ჟღერადობებით.
ცხადია, Grand Cherokee-ის ეს თაობა დიდი V8-ძრავებითაც გამოდიოდა და ეს აგრეგატები სწორედ ამერიკული ძრავებისთვის დამახასიათებელ ხმას გამოსცემდნენ. ძრავის ჟღერადობაზე როცა ვსაუბრობთ, აქვე უნდა ვახსენოთ სპორტული ვერსია SRT8, რომელიც სამოდელო რიგს 2006 წლიდან შეაშველეს და რომელსაც 6,1-ლიტრიანი მონსტრი ძრავა უძგერს.
თუმცა ეს უკიდურესად სპორტული ვერსია იყო. გაცილებით კომფორტულად დადის ისეთი V8-ვერსიები, როგორებიცაა 4,7 და 5,7-ლიტრიანი ძრავებით აღჭურვილი Grand Cherokee-ები. აჩქარება ორივეს კარგი აქვს - ოღონდ, 4,7-ლიტრიანის შემთხვევაში, 130 კმ/სთ-დან დაუკმაყოფილებლობის გრძნობა გარდაუვალია, ხოლო 5,7-ლიტრიანის შემთხვევაში კი, ეს განცდა არ იარსებებს. საწვავის ხარჯის მხრივ ცრუ იმედები ნუ გექნებათ - წვას 15 ლიტრზე დაბლა მხოლოდ იმ შემთხვევაში ჩამოიყვანთ, თუ Grand Cherokee-ის ძალიან ამერიკულად და პენსიონერულად მართავთ.
ამიტომაცაა, რომ ევროპის ბაზრისთვის შექმნილი დიზელის ვერსიები ევროპაში ყოველთვის უფრო პოპულარული იყო და თუ Grand Cherokee-ის ევროპის მეორადი ავტომობილების ბაზრებზე მოძებნით, უმეტესად სწორედ დიზელის ძრავის მქონე ვერსიებს წააწყდებით.
მაინც რატომ ჰქონდა ამ Grand Cherokee-ის დიზელ-ვერსიებს ”მერსედესის” ძრავები? საქმე იმაშია, რომ როცა Grand Cherokee III პროექტდებოდა, ”დაიმლერი” და ”კრაისლერი” აქტიურად თანამშრომლობდნენ (1998-2007). რაც არ უნდა ობიექტურად ვიმსჯელოთ, ამ გერმანულ ტურბოდიზელ-ძრავებზე ცუდს ბევრს ვერაფერს ვიტყვით. მშვიდად მუშაობს, მძლავრია და გამძლეცაა. თუმცა ხანდახან მაინც იჩენს ხოლმე თავს პერიფერიული პრობლემები: დიზელის ტუმბო, ტურბოდამბერი, ინჟექტორები (ფრქვევანები). ამგავრი პრობლემები დიზელის ძრავის მქონე ამ თაობის Grand Cherokee-ში დაახლოებით 120 000 კილომეტრის გავლის შემდეგ იჩენს ხოლმე თავს.
ამერიკელს, კაპოტის ქვეშ ზუსტად იგივე 3-ლიტრიანი V6-ტურბოდიზელი უძგერს, რომელსაც ამერიკაში გამოშვებულ Mercedes ML 320 CDI-შიც შეხვდებით
არცთუ იშვიათია სავალი ნაწილის მწყობრიდან გამოსვლის შემთხვევებიც. აღსანიშნავია, რომ Grand Cherokee-ის მესამე თაობა იყო პირველი Grand Cherokee, რომელსაც წინ დამოუკიდებელი საკიდარი ჰქონდა. ამიტომაცაა, რომ ამ საკიდარის სახსრები, საკისრები და რეზინის მილისები მუდმივად კარგ გზაზე სიარულის დროსაც სწრაფად იცვითება. იმდენად სწრაფად, რომ ბევრი ეგზემპლარი, წინა დაკიდებაში პრობლემების გამო, ევროპაში პირველ ტექ. დათვალიერებაზეც კი ჩავარდა.
კიდევ ერთი პრობლემური ზონა, რაც მესამე თაობის Jeep Grand Cherokee-ის მსურველმა მის შეძენამდე უნდა შეამოწმოს, ანთების სისტემაა (ე.წ. ”ზაჟიგანიე”). სწრაფი ცვეთა ახასიათებს სავარძლების ზედაპირებს, საჭეს. არცთუ იშვიათად ურევს ნავიგაცია და აუდიო-სისტემაც.
თუმცა, AUTO BILD-ის საინფორმაციო ბაზაში ვკითხულობთ, რომ მესამე თაობის Grand Cherokee-ის მფლობელები საერთო ჯამში მანქანით კმაყოფილები არიან. მომხმარებელთა 36 პროცენტი იმაზე წუწუნებს, რომ სადაზღვეო კომპანიები ამ ავტომობილების დაზღვევაში ბევრ ფულს ითხოვენ. ამ მანქანის სერვისი იაფი არ ჯდება, მაგრამ მომხმარებელთა აზრით, Grand Cherokee-ის მოვლა-პატრონობის ფასი ავტომობილის შესაძლებლობებს შეესაბამება.
თუ იმას გავითვალისწინებთ, რომ Jeep-ის მძღოლების 46 პროცენტს ეს ავტომწარმოებელი ძალიან უყვართ, უმრავლესობა მომდევნო ავტომობილის შეძენის დროსაც Jeep-ს ირჩევს. გერმანიაში ჩატარებული კვლევების თანახმად, Grand Cherokee-ის მფლობელთა 55 პროცენტი აცხადებდა, რომ მისი მომდევნო ავტომობილიც Grand Cherokee იქნებოდა, 8 პროცენტმა განაცხადა, რომ Jeep Wrangler-ს შეიძენდა. გერმანელ მომხმარებელთა 32-მა პროცენტმა კი თქვა, რომ ისევ ”მერსედესის”, BMW-ს, ან ”ფოლკსვაგენის” მარკის ქროსოვერებზე დაფიქრდებოდა. თუმცა ეს Jeep-ისთვის ნამდვილად არ არის შეშფოთების მიზეზი, რადგან გერმანელები შორს არიან ტიპურ ამერიკული ავტოგემოვნებისგან...
დასკვნა
მესამე თაობის Grand Cherokee-ის მეორადი ავტომობილების ბაზარზე საკმაოდ ხელმისაწვდომი ფასი აქვს, მაგრამ მომდევნო ხარჯებიც არ უნდა დავივიწყოთ. თუმცა ნაწილები არ არის ძალიან ძვირი. პირველ რიგში შეამოწმეთ წინა ღერძი!
მარტინ ბრაუნი
ასევე დაგაინტერესებთ:
საუკეთესო, ან არაფერი? Mercedes S-კლასი (W 140)
ასევე იხილეთ:
რომელი მანქანების შენახვა ჯდება ყველაზე იაფი?
ასევე იხილეთ:
ერთ-ერთი ყველაზე უნაკლო მერსედესი
ამ ჰიბრიდს შეგიძლიათ თამამად ენდოთ!
მანქანა, რომლის შეძენას არ ინანებთ: Honda CR-V
მანქანა მარადისობისთვის (+VIDEO)
რას უნდა მივაქციოთ ყურადღება Mercedes GLK-ს შეძენისას?
Mercedes GLK 100 000-კილომეტრიანი ტესტის შემდეგ (+VIDEO)
\
ფრთხილად ამ მანქანებთან!
როგორი მანქანაა 10 წლის E-კლასი?
ასევე დაგაინტერესებთ:
რა რჩება მანქანისგან 19 წლის შემდეგ? (+ VIDEO)
მილიონერი BMW, რომელიც დავშალეთ
და ყველა დეტალი შევამოწმეთ!
რამდენად გამძლეა Volvo XC90?
ნაღდი ამერიკელი თავისი პლუსებით და მინუსებით
ვარგა ეს ჰამერი?
რატომაა ის ასეთი იაფი?
ყველაზე იაფი და იორღა ”ჯიპები”: Toyota RAV 4
ყველაზე იაფი და იორღა ”ჯიპები”: Honda CR-V
რჩევები მარჯვენასაჭიანი ავტომობილების მძღოლებს
უცხოეთის ქვეყნების უცნაური საგზაო წესები
როდის და როგორ უნდა გამოიყენოს მძღოლმა მუხრუჭი
რა უნდა გაითვალისწინოს მძღოლმა გასწრების დროს?
ასე უნდა გადაუღოთ ფოტოები გასაყიდ ავტომობილს
რა უნდა შევუმოწმოთ მანქანას შორ გზაზე წასვლის წინ
მანქანის ჩუსტებით, ”შლოპანცებით”
ან ფეხშიშველი მართვა ცუდი იდეაა!
საბურავი არ გაპატიებთ!
ნუ დაიხშობთ ყურებს საჭესთან!
8 წესი ავტომობილის ჯანმრთელობისთვის