მეორადი ავტომობილების ბაზარზე უდიდესი არჩევანია. რომელი ავტომობილია ყველაზე გამძლე და ხარისხიანი? რომელი ფუჭდება ყველაზე იშვიათად? მომხმარებელს ყველაზე მეტად სწორედ ამ კითხვებზე პასუხები აინტერესებს.

ამ შემთხვევაში გთავაზობთ იმ მეორადი ავტომობილების მიმოხილვებს, რომლებიც გერმანიაში იყიდება. რატომ მაინცდამაინც გერმანული მეორადები? საქმე ისაა, რომ ეს მიმოხილვები დამყარებულია გერმანიის ტექ-დათვალიერების (TUV) მონაცემებზე, სადაც დეტალურადაა აღწერილი, რომელ მოდელს რა დროს რა პრობლემა აღმოაჩნდა.

ამიტომაც გადავწყვიტეთ, სწორედ TUV-რეპორტზე დაყრდნობით გესაუბროთ იმ მოდელებზე, რომლებსაც გერმანიაში ტექ-დათვალიერების დროს ყველაზე ნაკლები პრობლემები ჰქონდათ. თუმცა არც ესაა იმის 100-პროცენტიანი გარანტია, რომ სანდო მეორადს ყიდულობთ, რადგან გზისთვის ვარგისობაზე ტესტირების (ტექ-დათვალიერების) დროს ყველაზე მთავარი ავტომობილის უსაფრთხოებაა - სავალი ნაწილი, სამუხრუჭე სისტემა და ა.შ. სამაგიეროდ, გერმანულ AUTO BILD-ს აქვს უდიდესი ბაზა და გამოცდილება - ჩვენ გერმანელ კოლეგებს ყველა ეს ავტომობილი დეტალურად აქვთ შემოწმებული და გატესტილი. შესაბამისად, ტექ-დათვალიერების სტატისტიკა და ჩვენი გერმანელი კოლეგების გამოცდილება ერთად გვაძლევს თითქმის ზუსტ სურათს და შეგვიძლია, გირჩიოთ, კონკრეტული მოდელების შემთხვევაში რომელი ძრავა და გადაცემათა კოლოფი ჯობია. ხშირ შემთხვევაში სწორედ ძრავისა და გადაცემათა კოლოფის შერჩევაა ყველაზე მთავარი, რადგან ამა თუ იმ ავტომობილის შემთხვევაში, ერთი ძრავა შეიძლება ძალიან გამძლე იყოს, მეორე კი პირიქით, ძალიან სუსტი.




”ტოიოტა პრიუსი” ერთ-ერთი უპირველესი და საუკეთესო ჰიბრიდია. თავიდან ჰიბრიდულ ტექნიკას ბევრი ეჭვის თვალით უყურებდა, მაგრამ დროთა განმავლობაში ყველა, მათ შორის ქართველი მომხმარებელიც დარწმუნდა, რომ მეორადი ჰიბრიდული ავტომობილი არა თუ არ ნიშნავს ”თავის ტკივილს”, არამედ ძალიან ეკონომიური და სანდო არჩევანია.

ჰიბრიდი განსაკუთრებით სანდო და გამძლეა იმ შემთხვევაში, თუ ”ტოიოტას” მარკის ავტომობილთან გვაქვს საქმე და მით უფრო იმ დროს, როცა საქმე ”პრიუსს” ეხება. ”ტოიოტა პრიუსი” მსოფლიოში ყველაზე გაყიდვადი ჰიბრიდია, მეორე თაობის ”პრიუსი” კი მართლაც ერთ-ერთი ყველაზე გამძლე და სანდო მანქანაა.



თავად განსაჯეთ: Prius II სამჯერ გახდა AUTO BILD-ის TUV-რეპორტის გამარჯვებული, AUTO BILD-ის ხანგრძლივ, 100 000-კილომეტრიან ტესტ-დრაივში კი საუკეთესო შეფასება დაიმსახურა.

Prius II (იწარმოებოდა 2003-დან 2009 წლამდე) განსაკუთრებით ისეთი მძღოლებისთვისაა ზედგამოჭრილი, რომლებიც ქალაქში ბევრს დადიან. ე.წ. stop-and-go რეჟიმში ეს ავტომობილი მართლაც იდეალურია, ქალაქში 100 კილომეტრზე საშუალოდ 5 ლიტრ საწვავს მოიხმარს. ”პრიუსის” მთავარი უპირატესობა სწორედ მისი ეკონომიურობა და გამძლეობაა, თორემ მის დიზაინს, ცხადია, ბევრი ალმაცერად უყურებს.




რაც ყველაზე მთავარია, ამ ავტომობილის ჰიბრიდული ტექნიკა მართლაც ძალიან გამძლეა - ისევე, როგორც ავტომობილის ელექტროობა და სავალი ნაწილი. მეორე თაობის ”პრიუსის” ტექნიკა წლების შემდეგაც კი უპრობლემოდ ფუნქციონირებს. ამას ველოდით კიდეც, რადგან ”ტოიოტა” ელემენტებზე 8-წლიან გარანტიას იძლეოდა!



► ძლიერი მხარეები: ძალიან სანდო და გამძლე ავტომობილია. უაღრესად ეკონომიურია ქალაქში.
► სუსტი მხარეები: არ არის მანევრული, მოქნილი და დინამიკური. დაკიდების კომფორტიც ვერ დგას მოწოდების სიმაღლეზე.
► რჩევა: ამძრაობის და ძარის მხოლოდ ერთი ვარიანტია (112 ცხენის ძალა), მაგრამ მას აბსოლუტურად თამამად გირჩევთ.

ასევე დაგაინტერესებთ:
რას უნდა მივაქციოთ ყურადღება Mercedes GLK-ს შეძენისას?


იშვიათი და ელეგანტური მანქანა გსურთ?
რას იტყვით ამ ”მაზერატიზე”?


რამდენად სანდო და გამძლეა X6-ის პირველი თაობა?


ასევე იხილეთ:
ღირს თუ არა ამ ჯიპის ყიდვა?


საუკეთესო, ან არაფერი? Mercedes S-კლასი (W 140)


ასევე იხილეთ:
რომელი მანქანების შენახვა ჯდება ყველაზე იაფი?


Mercedes GLK 100 000-კილომეტრიანი ტესტის შემდეგ (+VIDEO)
\

მანქანა მარადისობისთვის (+VIDEO)


ფრთხილად ამ მანქანებთან!


ასევე დაგაინტერესებთ:
როგორი მანქანაა 10 წლის E-კლასი?


ასევე დაგაინტერესებთ:
რა რჩება მანქანისგან 19 წლის შემდეგ? (+ VIDEO)


მილიონერი BMW, რომელიც დავშალეთ
და ყველა დეტალი შევამოწმეთ!


რამდენად გამძლეა Volvo XC90?


ნაღდი ამერიკელი თავისი პლუსებით და მინუსებით


მანქანა, რომლის შეძენას არ ინანებთ: Honda CR-V


ვარგა ეს ჰამერი?


რატომაა ის ასეთი იაფი?


ყველაზე იაფი და იორღა ”ჯიპები”: Honda CR-V


ყველაზე იაფი და იორღა ”ჯიპები”: Toyota RAV 4