მეორადი ავტომობილების ბაზარზე უდიდესი არჩევანია. რომელი ავტომობილია ყველაზე გამძლე და ხარისხიანი? რომელი ფუჭდება ყველაზე იშვიათად? მომხმარებელს ყველაზე მეტად სწორედ ამ კითხვებზე პასუხები აინტერესებს.

ამ შემთხვევაში გთავაზობთ იმ მეორადი ავტომობილების მიმოხილვებს, რომლებიც გერმანიაში იყიდება. რატომ მაინცდამაინც გერმანული მეორადები? საქმე ისაა, რომ ეს მიმოხილვები დამყარებულია გერმანიის ტექ-დათვალიერების (TUV) მონაცემებზე, სადაც დეტალურადაა აღწერილი, რომელ მოდელს რა დროს რა პრობლემა აღმოაჩნდა.

ამიტომაც გადავწყვიტეთ, სწორედ TUV-რეპორტზე დაყრდნობით გესაუბროთ იმ მოდელებზე, რომლებსაც გერმანიაში ტექ-დათვალიერების დროს ყველაზე ნაკლები პრობლემები ჰქონდათ. თუმცა არც ესაა იმის 100-პროცენტიანი გარანტია, რომ სანდო მეორადს ყიდულობთ, რადგან გზისთვის ვარგისობაზე ტესტირების (ტექ-დათვალიერების) დროს ყველაზე მთავარი ავტომობილის უსაფრთხოებაა - სავალი ნაწილი, სამუხრუჭე სისტემა და ა.შ. სამაგიეროდ, გერმანულ AUTO BILD-ს აქვს უდიდესი ბაზა და გამოცდილება - ჩვენ გერმანელ კოლეგებს ყველა ეს ავტომობილი დეტალურად აქვთ შემოწმებული და გატესტილი. შესაბამისად, ტექ-დათვალიერების სტატისტიკა და ჩვენი გერმანელი კოლეგების გამოცდილება ერთად გვაძლევს თითქმის ზუსტ სურათს და შეგვიძლია, გირჩიოთ, კონკრეტული მოდელების შემთხვევაში რომელი ძრავა და გადაცემათა კოლოფი ჯობია. ხშირ შემთხვევაში სწორედ ძრავისა და გადაცემათა კოლოფის შერჩევაა ყველაზე მთავარი, რადგან ამა თუ იმ ავტომობილის შემთხვევაში, ერთი ძრავა შეიძლება ძალიან გამძლე იყოს, მეორე კი პირიქით, ძალიან სუსტი.




თუკი 90-იანი წლების მეორე ნახევარში და 2000-იანების პირველ წლებში ”მერსედესის” C და ”E-კლასებს” რამეს ვუწუნებდით, პირველ რიგში ეს კოროზიის პრობლემა იყო. ჟანგი განსაკუთრებით თამამად კარებს ეტანებოდა. 2007 წელს კი შტუტგარტელებმა წარმოადგინეს ახალი ”C-კლასი” (W 204), რომელიც 2007-დან 2015 წლამდე იწარმოებოდა და თამამად ვიტყვით, რომ ეს არის ავტომობილი, რომელშიც ”მერსედესმა” თავისი ძველი, ტრადიციული ღირებულებები გაიხსენა.



აი, უკვე 9 წელია, რაც AUTO BILD-ის ფარეხში, სხვა ახალთახალ თუ ცოტათი ძველ ავტომობილებთან ერთად, სწორედ იმ თაობის C 180-იც დგას. უფრო სწორად, დგას კი არა, ყოველდღე გვემსახურება. ამ 9 წლის განმავლობაში ამ მანქანამ ჩვენ ხელში დაახლოებით 380 000 კილომეტრი გაიარა და როგორც ხვდებით, დიდი ხანია, ჩვენი ტრადიციული ხანგრძლივი ტესტის (100 000 კმ) ჩარჩოებს გასცდა. და აქამდე მხოლოდ იმიტომ არ დავშალეთ დეტალების შესამოწმებლად, რომ ეს ”ბენცი” დღემდე გვაოცებს თავისი გამძლეობით.



გერმანიის ტექ-დათვალიერების მონაცემთა ბაზაშიც რომ ჩავიხედოთ, ამ ”C-კლასის” მხოლოდ თითო-ოროლა ნაკლს თუ აღმოვაჩენთ და ისიც იმდენად იშვიათად, რომ არც კი ღირს ყურადღების გამახვილება. ერთი სიტყვით, თამამად ვიტყვით, რომ საშუალო კლასის არცერთ კონკურენტს არ აქვს W 204-ზე ნაკლები ნაკლი - ის თავის კლასში ერთ-ერთი ყველაზე უნაკლოა. კარგია ისიც, რომ თითქმის ყველა ძრავა კარგი და გამძლეა.



► ძლიერი მხარეები: ძალიან სანდო, გამძლე და საკმაოდ კომფორტული ავტომობილი.

► სუსტი მხარეები: 2011 წლამდე გამოშვებულ ეგზემპლარებს სალონის მოსალოდნელზე სწრაფი ცვეთა აღენიშნებათ.

► რჩევა: არჩევანი უდიდესია. განსაკუთრებით გამძლეა ბენზინის საბაზო ვერსია C 180 (156 ცხენის ძალით). ეს ძრავა სუსტი არ გეგონოთ - კომპრესორის დამსახურებით საკმაოდ მძლავრი და გამძლე აგრეგატია.



ასევე იხილეთ:
ამ ჰიბრიდს შეგიძლიათ თამამად ენდოთ!


მანქანა მარადისობისთვის (+VIDEO)


რას უნდა მივაქციოთ ყურადღება Mercedes GLK-ს შეძენისას?


Mercedes GLK 100 000-კილომეტრიანი ტესტის შემდეგ (+VIDEO)
\

ფრთხილად ამ მანქანებთან!


ასევე დაგაინტერესებთ:
როგორი მანქანაა 10 წლის E-კლასი?


ასევე დაგაინტერესებთ:
რა რჩება მანქანისგან 19 წლის შემდეგ? (+ VIDEO)


მილიონერი BMW, რომელიც დავშალეთ
და ყველა დეტალი შევამოწმეთ!


რამდენად გამძლეა Volvo XC90?


ნაღდი ამერიკელი თავისი პლუსებით და მინუსებით


მანქანა, რომლის შეძენას არ ინანებთ: Honda CR-V


ვარგა ეს ჰამერი?


რატომაა ის ასეთი იაფი?


ყველაზე იაფი და იორღა ”ჯიპები”: Honda CR-V


ყველაზე იაფი და იორღა ”ჯიპები”: Toyota RAV 4