როგორი ავტომობილია 2005 წელს გამოშვებული Mercedes E-კლასი, რომლის შეძენაც, დარწმუნებულები ვართ, ბევრ ქართველ მძღოლს სურს? AUTO BILD-მა ეს კლასიკური სედანი მეორადი ავტომობილის რანგში შეამოწმა. სატესტო ეგზემპლარი დიზელის 6-ცილინდრიანი ძრავით გახლდათ აღჭურვილი. ასევე: 7-საფეხურიანი ავტომატური გადაცემათა კოლოფით და ტოპ-კომპლექტაციით.



ანუ, ეს არის ნახმარი E 320 CDI, რომელიც 2005 წელსაა გამოშვებული და 211 000 კილომეტრი აქვს გავლილი. ამ ”ბენცს” აქვს ფაქტობრივად ყველაფერი, რაც 2005 წელს პრაისლისტში შეიძლებოდა ყოფილიყო: კრუიზკონტროლი, პნევმატიკური დაკიდება, პანორამული ჭერი, წინა სავარძლები მასაჟის ფუნქციით, ნავიგაცია, პარკტრონიკი და ასე შემდეგ და ასე შემდეგ.

თავის დროზე, მისი საბაზო ფასი 49 851 ევრო გახლდათ, სრული კომპლექტაციით კი 27 865 ევრო ემატებოდა. დღეისათვის, ამ მანქანის საშუალო ფასი 10 000 ევროა (წყარო: Schwacke), უშუალოდ ეს ეგზემპლარი კი გერმანიაში სულაც 9400 ევრო ღირს.




ტურბოდამბერის შლანგი გახეულია, აქაიქ ზეთი ჟონავს, სავარძლებს ასაკი და დეფექტები დაეტყოთ. თუ ამ დეტალებს არ ჩავთვლით, ეს ”ბენცი” აბსოლუტურად ჯანმრთელია.

ეს მოდელი 2006 წელს განაახლეს და თუ 2006 წლამდე გამოსული ეგზემპლარით დაინტერესდებით, პირველ რიგში იმაში უნდა დარწმუნდეთ, რომ ე.წ. SBC-Hydraulik შეცვლილი ექნება. ჩვეულებრივი დიაგნოსტიკა ამ კითხვაზე ამომწურავად გიპასუხებთ. საქმე ისაა, რომ SBC-მუხრუჭისა და ელექტროობის გარკვეული პრობლემები დაიმლერმა სწორედ 2005 წლის ბოლოს გამოასწორა.



აი, 2006 წლიდან გამოსულ მოდელებს კი თამამად გირჩევთ, რადგან ამ დროიდან ეს მოდელი არა მარტო უფრო ძლიერი ძრავებით, არამედ გაცილებით სანდო ელექტროობითა და სამუხრუჭე სისტემითაც აღიჭურვა.

დასკვნა
ამრიგად, 211-ის გვიან ეგზემპლარებს ნამდვილად შეესაბამება ის გამოთქმა, რასაც W123-სა და W124-ზე ვამბობთ ხოლმე: დარბის, დარბის და არ ჩერდება!

► ტექნიკური მონაცემები - Mercedes E320 CDI
გამოშვების წელი: 2005
გარბენი: 213 000 კმ
ძრავა: V6-ტურბოდიზელი
სიმძლავრე: 224 ცხ. ძ.
მაქს. სიჩქარე: 240 კმ/სთ
აჩქარება 0-100 კმ/სთ: 7,6 წამში
საწვავის ხარჯი (გატესტილი): 8,1 ლიტრი დიზელი
გამონაბოლქვი: 214 გ CO2/კმ-ზე
ფასი (დღეს): 9 400 ევრო



SBC-ნაკრები: SBC-მუხრუჭი (ჰქონდა 2006 წლამდე), ჰიდრავლიკური სისტემა ინტეგრირებული ელექტრო-ტუმბოთი.


7G-Tronic: გადართვების პრობლემების შემთხვევაში გამოცვალეთ ფილტრი და ზეთი.


Airmatic-ის პრობლემები და დეფექტიანი კომპრესორები


დიზელისძრავიანი ავტომობილების გამონაბოლქვის სისტემის ფილტრი, რომელიც 2005 წლიდან დიზელის ყველა ვერსიას სერიულად მოყვება. პრობლემა თავს იჩენს ხოლმე დიდი გარბენის მქონე ეგზემპლარებში

ასევე დაგაინტერესებთ:
რა რჩება მანქანისგან 19 წლის შემდეგ? (+ VIDEO)


მილიონერი BMW, რომელიც დავშალეთ
და ყველა დეტალი შევამოწმეთ!


რამდენად გამძლეა Volvo XC90?


ნაღდი ამერიკელი თავისი პლუსებით და მინუსებით


მანქანა, რომლის შეძენას არ ინანებთ: Honda CR-V