უგზოობის ავტომობილის შეძენა გსურთ და ბევრი ფული არ გაქვთ? აი, რამდენიმე მოძველებული კომპაქტური ქროსოვერი, რომელთა ფასი მაქსიმუმ 4000 ევროა

Recreational Active Vehicle 4-Wheel Drive – ყველაფერი გაიგეთ? ალბათ არა! RAV4? ახლა კი ყველაფერი გასაგები იქნება - ეს ხომ ყველასათვის კარგად ნაცნობი, ”ტოიოტას” კომპაქტური ქროსოვერია. 1994 წელს იაპონელებმა გაბედეს და უგზოობის ავტომობილისა და მსუბუქი ავტომობილის ნაზავი შემოგვთავაზეს.

რეცეპტი ასეთი იყო: მუდმივი სრული ამძრაობა, ამტანი ძარა და ბენზინის მოქნილი, 4-ცილინდრიანი ძრავა. მტესტავები და კლიენტები აღფრთოვანებულები იყვნენ ჯდომის პოზიციითა და საკმაოდ კარგი მანევრულობით. RAV 4-მა ძალიან მალე მოიხვეჭა პოპულარობა ერთ-ერთი ყველაზე გაყიდვადი ავტომობილი გახდა.

როგორია დღეს? ყველაზე ძველი ეგზემპლარების ასაკი უკვე 19 წელია და მიუხედავად ამისა, მაინც სანდო ავტომობილებია. ნუ შეგაშინებთ 100 000 კილომეტრზე მეტი გარბენი, RAV 4-ის პირველი თაობის გადაცემათა კოლოფები და ძრავები მინიმუმ 200 000 კილომეტრს უპრობლემოდ უძლებს. დიდხანს ცოცხლობს სრული ამძრაობის, მოხვევისა და ელექტრონული სისტემებიც.

დათვალიერებისას ყურადღება მხოლოდ ფილიგრანულ სავალ ნაწილს უნდა მიაქციოთ, სადაც პრობლემები არც ისე ხშირია, მაგრამ მაინც.


ამ შემთხვევაში ინტერიერით ხის იმიტაციით კუსტარულადაა მოპირკეთებული


RAV 4-ის ამძრაობას ბენზინის 2-ლიტრიანი, 128

ცხენის ძალის მქონე ძრავა უზრუნველყოფს. კბილანა ღვედი ყოველ 100 000 კილომეტრზე იცვლება

ტექნიკური მონაცემები
ძრავის მოცულობა - 1998
ბრუნის მომენტი - 175 ნმ/4600
სიმძლავრე - 94 კვ/128 ცხ. ძ.
მაქს. სიჩქარე - 170 კმ/სთ
0–100 კმ/სთ - 10,2 წმ
საწვავის ხარჯი - 10,5 ლ/100 კმ

დასკვნა
Toyota RAV4-ის პირველი თაობა კომპაქტური SUV-ების კლასის ფუძემდებელი, ძალიან გამძლე და უპრობლემო ავტომობილია. ძრავისა და გადაცემათა კოლოფის გაფუჭება თითქმის შეუძლებელია, ძარა ჟანგვისგან კარგადაა დაცული. თუმცა ფილიგრანული სავალი ნაწილი ძალიან ცუდ გზებზე დიდხანს სიარულს ვერ იტანს.
შეფასება: 4 (5-დან)