ყველა მეორადი SUV როდია ისეთი გამძლე, როგორც გამოიყურება. მეორე თაობის BMW X3-ს ასაკი თითქმის ვერაფერს აკლებს. ამიტომაც არ არის იაფი

პირველი თაობის X3 ნამდვილად არ იყო ისეთი, როგორსაც ველოდით და როგორიც BMW-ს შეეფერება. მისი დებიუტი 2003 წელს შედგა და იმისათვის, რომ BMW-სთვის დამახასიათებელი მოლოდინები გაემართლებინა, ანუ, მიუხედავად მაღალი სიმძიმის ცენტრისა, დინამიკური და მანევრული ყოფილიყო, მაქსიმალურად ხისტი გახლდათ. ზედმეტად ხისტი.

• აი, მეორე თაობის X3-ში კი (F25), ბავარიელებმა ყველაფერი ისე გააკეთეს, როგორც საჭირო იყო - სავალი ნაწილის მოწყობისას მეტ კომპრომისზე წავიდნენ.

გზაზე

X3 სპორტულად დადის. უგზოობაზეც...

გარდა ამისა: იაფფასიანი პლასტმასების ნაცვლად, ინტერიერში გაცილებით სასიამოვნო მასალები ვიხილეთ და ასე შეძლო X3-მა არა მხოლოდ ”აუდისა” და ”მერსედესის” შესაბამისი მოდელებისთვის სერიოზული კონკურენციის გაწევა, არამედ იმდენი მოახერხა, რომ თვით BMW X5-საც კი წაართვა კლიენტები. დიახ, მეორე თაობის X3-ის გამოსვლის შემდეგ, მასზე საკმაოდ ბევრი X5-ის მძღოლი გადაჯდა. ამიტომაცაა, რომ მეორე თაობის X3-ები მეორადი ავტომობილების ბაზარზე უმეტესად სრული კომპლექტაციითაა ხელმისაწვდომი.


სრულყოფილი ერგონომიკა და ხილვადობა

ისეთი ”შიშველი” ეგზემპლარები კი, როგორსაც ფოტოზე ხედავთ, საკმაოდ იშვიათია. თუმცა, იაფიცაა. ჩვენი სატესტო მოდელი 6 წლის X3 xDrive20d გახლავთ - უიშვიათესი წითელი მეტალიკით და ვიტის აუტოჰაუსში 15 000 ევროდ იყიდება. თუმცაღა, გარდა ზონდერ-ფერისა, არც არაფერი აქვს ისეთი, რასაც მდიდრული მანქანების მოყვარულები ისურვებდნენ.

მართალია, 2 ლიტრი მოცულობის 184-ცხენისძალიანი დიზელის ძრავა სავსებით საკმარისია და ამ მოდელში ყველაზე მოთხოვნადი აგრეგატიცაა, მაგრამ უმეტესად ავტომატიკასთან კომბინაციაში შეხვდებით. აქვე ისიც უნდა ითქვას, რომ ის 8-საფეხურიანი ავტომატიკა დღემდე ერთ-ერთი საუკეთესო გადაცემათა კოლოფია მსოფლიოში.

• არადა, მექანიკაც ძალიან კარგად მუშაობს (მინიმუმ მექანიკის მოყვარულთათვის), მაგრამ ამ კლასში მექანიკურ გადაცემათა კოლოფს თითქმის აღარავინ ეძებს.

კონკრეტულად ამ ეგზემპლარს არც სავარძლების გათბობა აქვს, არც კრუიზკონტროლი და არც Xenon-ები. თუმცა ვისაც ეს ყველაფერი დიდად არც აღელვებს და უნდა, რომ პრემიუმ-ხარისხის SUV ჰყავდეს, რომელიც დიდხანს გაუძლებს, თამამად უნდა გადადგას ნაბიჯი ამ ავტომობილისკენ.

• მეორე თაობის X3 (”შიშველიც” და სრული კომპლექტაციითაც) გერმანიის ტექ. დათვალიერების არქივში ძალიან კარგ შედეგებს აჩვენებს.

დიზელის ძრავების პრობლემები და სავალი ნაწილის სისუტე უკანა ღერძზე, ისტორიას პირველი თაობის მოდელთან ერთად ჩაბარდა.

ერთადერთი, წინა ღერძის ბერკეტებს, სახსრებს, საჭის განივ საწევებსა და ბუნიკებს არ უყვართ მართვის აგრესიული სტილი.

• ეს დეტალები 8-ჯერ უფრო ხშირად იცვითება, ვიდრე ამ კლასის სხვა მოდელებში.

ვინც დიზელის ძრავას ხშირად მაღალ ბრუნებზე ამუშავებს, ხშირადვე უნდა ცვალოს დიზელის ჭვარტლის ფილტრი. აქა-იქ ტურბომაც იცის არევა. ესაა და ეს.

კიდევ კარგი, თორემ მეორე თაობის კარგად მოვლილი, უავარიო X3 მეორადი ავტომობილების ბაზარზე ისედაც ძვირად ფასობს.

დასკვნა
BMW-ში მეორე თაობის X3-ზე მუშაობისას წინამორბედში დაშვებული შეცდომები გაიხსენეს და აღარ გაუმეორებიათ. ფაქტია, რომ მეორე თაობა, პირველთან შედარებით, სამაგალითოდაა გაუმჯობესებული. თუ 15 000 ევროზე იაფი ეღირება, გაითვალისწინეთ, რომ დიდი შანსია, ნაკლებად სანდო ვარიანტი იყოს. ან გარბენი ექნება უსაშველოდ დიდი, ანაც სხვა სერიოზული პრობლემა...
მალტე ბიუტნერი

ტექნიკური მონაცემები - BMW X3 (2011)

• ძრავა: 4-ცილინდრიანი
• სარქველები/გამ. ლილვი: ცილინდრზე 4/2
• ძრავის მოცულობა: 1995 სმ3
• სიმძლავრე: 135 კვტ (184 ცხ. ძ.) 4000 ბრ/წთ
• მაბრუნი მომენტი: 380 ნმ/1750 ბრ.
• მაქსიმალური სიჩქარე: 210 კმ/სთ
• აჩქარება 0-100 კმ/სთ: 8,5 წამში
• ავზი/საწვავი: 67 ლ./დიზელი
• გადაცემათა კოლოფი: 6-საფ. მექანიკური
• ამძრაობა: სრული
• სიგრძე/სიგანე/სიმაღლე: 4648/1881/1661 მმ
• საბარგულის მოცულობა: 550-1600 ლიტრი
• წონა/ტვირთამწეობა: 1790/500 კგ

არ უყვარს მართვის სპორტული სტილი. ყველაზე ხშირად ბუნიკებია გამოსაცვლელი. 8-ჯერ უფრო ხშირად, ვიდრე ამ კლასის სხვა ავტომობილებში.




ნავიგაციის სისტემა ხანდახან იჭედება. როგორც წესი, განახლება (Update) შველის ხოლმე.




ახასიათებს საბურავების არათანაბარზომიერი ცვეთა. ზოგადადაც, სრული ამძრაობის მძიმე წონის გამო, ცვეთა საკმაოდ მაღალია.



ასევე დაგაინტერესებთ:
ორივე მერსედესი 12 000 ევრო ღირს - რომელი ჯობია?


ასევე დაგაინტერესებთ:
ელეგანტური ბენცი მერსედესის ნაღდი მოყვარულებისთვის


ასევე იხილეთ:
ამ ჰიბრიდს შეგიძლიათ თამამად ენდოთ!


ასევე დაგაინტერესებთ:
რას უნდა მივაქციოთ ყურადღება Mercedes GLK-ს შეძენისას?


იშვიათი და ელეგანტური მანქანა გსურთ?
რას იტყვით ამ ”მაზერატიზე”?


რამდენად სანდო და გამძლეა X6-ის პირველი თაობა?


ასევე იხილეთ:
ღირს თუ არა ამ ჯიპის ყიდვა?


საუკეთესო, ან არაფერი? Mercedes S-კლასი (W 140)


ასევე იხილეთ:
რომელი მანქანების შენახვა ჯდება ყველაზე იაფი?


Mercedes GLK 100 000-კილომეტრიანი ტესტის შემდეგ (+VIDEO)
\

მანქანა მარადისობისთვის (+VIDEO)


ფრთხილად ამ მანქანებთან!


ასევე დაგაინტერესებთ:
რა რჩება მანქანისგან 19 წლის შემდეგ? (+ VIDEO)


მილიონერი BMW, რომელიც დავშალეთ
და ყველა დეტალი შევამოწმეთ!


რამდენად გამძლეა Volvo XC90?


ნაღდი ამერიკელი თავისი პლუსებით და მინუსებით


მანქანა, რომლის შეძენას არ ინანებთ: Honda CR-V


ვარგა ეს ჰამერი?


რატომაა ის ასეთი იაფი?


ყველაზე იაფი და იორღა ”ჯიპები”: Honda CR-V


ყველაზე იაფი და იორღა ”ჯიპები”: Toyota RAV 4