სპორტული ავტომობილი ისრაელიდან, რომლის შესახებ ბევრმა არაფერი იცის

ისრაელს საკუთარი საავტომობილო ინდუსტრია არ გააჩნია. იქ ავტომობილებს არ აწარმოებენ. მაგრამ იყო დრო, როცა ამ ქვეყანაში სპორტულ ავტომობილებს აწარმოებდნენ - პატარა კომპანია „ავტოქარზი“ კუპე „საბრა GT-ს“ უშვებდა.

Auto Bild

„ავტოქარზმა“ თავიდან მუშაობა ბრიტანული კომპანიების, „რელიანტის“ და „ტრიუმფის“ ავტომობილების მსხვილი კვანძებისგან აწყობით დაიწყო, შემდეგ კი მათ ბაზაზე, საკუთარი კონსტრუქციის მოდლების წარმოებაზე გადაერთო. 1960-იანი წლების დასაწყისში კი საკუთარი კომპანიის საიმიჯო მოდელი გამოუშვეს.

Auto Bild

სწორედ ამ ავტომობილს დაარქვეს სახელად „საბრა“. ეს სახელი უდაბნოს კაქტუსს ჰქვია, რომელიც ებრაელების ერთგვარ სიმბოლოდაცაა მიჩნეული. სპორტული მოდელის შემუშავებაში, „ავტოქარზს“ პარტნიორობა „რელიანტმა“ გაუწია,

რომელმაც პროექტი აგრეგატებით უზრუნველყო. ავტომობილის მზიდი სტრუქტურა ფოლადის მილებისგან შეკრეს, ძარა კი შუშაბოჭკოვანი კომპოზიტისგან დამზადდა. ავტომობილი კუპეს და კაბრიოლეტის ძარებით გამოუშვეს.

Auto Bild

„საბრა GT-ს“ კაპოტქვეშ „ფორდის“ წარმოების 1.7-ლიტრიანი ოთხცილინდრიანი ძრავი განლაგდა, რომლის სიმძლავრე მხოლოდ 61 ცხენის ძალა იყო. მასთ

ან წყვილში 4-საფეხურიანი მექანიკური გადაცემათა კოლოფი მუშაობდა. წინა მუხრუჭები დისკური იყო, უკანა - დოლისებური.

Auto Bild

„საბრა GT-ს“ პრემიერა ნიუ იორკის 1961 წლის ავტო შოუზე შედგა. მას 7 წელი აწარმოებდნენ. სულ 400 ეგზემპლარი გამოუშვეს. წარმოება ექვსდღიანი ომის დროს შეწყდა და აღარც განახლებულა.

ასევე დაგაინტერესებთ:
გავიხსენოთ 90-იანი წლები
როცა საქართველოში მერსედესი ან BMW ფუფუნება იყო