აუქციონის ორგანიზატორ კომპანიაში (RM Sotheby's) ელოდებოდნენ, რომ ეს ციცქნა მანქანა მინიმუმ 75 000 და მაქსიმუმ 100 000 დოლარად გაიყიდებოდა, მაგრამ რეალობამ მოლოდინს ძალიან გადააჭარბა! საბოლოო ჯამში, წითელი ფერის Peel P50-ის სანაცვლოდ, რომელიც 1964 წელსაა გამოშვებული, ახალმა მფლობელმა არც მეტი, არც ნაკლები, 176 000 დოლარი გადაიხადა!
60-იანი წლების დასაწყისში ეს მანქანა შეიქმნა როგორც აბსოლუტურად მინიმალისტური ავტომობილი და სულ მხოლოდ 120 ეგზემპლარი გამოვიდა. დღემდე კი მხოლოდ 48 ეგზემპლარმა
Peel P50-ს ძრავის მოცულობა მხოლოდ და მხოლოდ 49 სმ3 გახლავთ. მოტორი, რა თქმა უნდა, 1-ცილინდრიანია და მისი სიმძლავრე სულ რაღაც 4,2 ცხენის ძალა გახლავთ. Peel P50-ს ერთადერთი უკანა ბორბალი ძრავს! გადაცემათა კოლოფი 3-საფეხურიანია, ოღონდ მანქანა მხოლოდ წინ დადის. უკან სვლა არ აქვს და არც სჭირდება - თუ მძღოლს უკან სვლა სჭირდება, მანქანიდან უნდა გადმოვიდეს, მანქანას უკან, სპეციალურ სახელურზე ხელი წაავლოს და გააგოროს. როგორც ჩემოდანი! თუ იმას გავითვალისწინებთ, რომ Peel P50 სულ რაღაც 62 კილოგრამს იწონის, მისი ხელით წათრევა პრობლემა ნამდვილად არ უნდა იყოს. მანქანის მაქსიმალური სისწრაფე 70 კმ/სთ-ია.
მთავარი პლუსები? საწვავის ავზი მხოლოდ და მხოლოდ 8-ლიტრიანია, 8 ლიტრი საწვავით კი თითქმის 300 კილომეტრს გაივლი. ცხადია, Peel P50-ს დასაპარკინგებელ ადგილს ყველგან ნახავ - ავტომობილი ხომ ძალიან პატარაა, იმდენად პატარა, რომ შეგიძლია, ოფისშიც შეიტანო, როგორც ეს Top Gear-ის ყოფილმა მოდერატორმა, ჯერემი კლარკსონმა გააკეთა. Top Gear-ის სიუჟეტს Peel P50-ის შესახებ ქვემოთ ნახავთ:
იხილეთ ვიდეო
Top Gear-ის სიუჟეტი ყველა დროის ყველაზე პატარა ავტომობილის შესახებ
ასევე იხილეთ:
შესანიშნავი შვიდეული? ვინ არიან Top Gear-ის ახალი წამყვანები
ჯერემი კლარკსონის 10 ცნობილი გამონათქვამი
კლარკსონი: მეგონა, რომ კიბო მქონდა!