97 წლის ბაბუმ ახალი ”ფორდ მუსტანგი” იყიდა! (+ VIDEO)

ამ კაცს ლენარტ რიბრინგი ჰქვია, ის 97 წლისაა და ახლახანს, უახლესი „ფორდ მუსტანგის“ მფლობელი გახდა, რომელიც V8 ძრავით არის აღჭურვილი. ის შვედეთის ერთ-ერთი პირველი მოქალაქეა, რომელმაც 1960-იან წლებში „ფორდ მუსტანგი“ შეიძინა. გავიდა დაახლოებით 50 წელი და მან კიდევ ერთი „მუსტანგი“ იყიდა.

Auto Bild

„ძალიან მომწონდა პირველი „მუსტანგები“ და ძალიან მინდოდა ამ ახალი მოდელის შეძენა. როცა ამ ავტომობილს მართავ, საკუთარი თავი გზის მეფე გგონია. დიდი ხნის სიცოცხლე არ დამრჩენია. ამიტომ მინდა, რომ ამ მანქანის მართვით სიამოვნება მივიღო და ცხოვრება მცირედით გავიხალისო,“ - ამბობს

რიბრინგი.

ლენარტ რიბრინგი 1919 წელსაა დაბადებული, მართვის მოწმობა კი 18 წლის ასაკში აიღო. ის ყოფილი ბიზნესმენია, ახლა კი ნახევარ განაკვეთზე, ბუღალტრად მუშაობს! მან თავის შვილ მიხაელს ავტომობილის მართვა სწორედ „მუსტანგზე“ ასწავლა. მიხაელი ამბობს, რომ დიდი ასაკის მიუხედავად, მამამისი ავტომობილს კვლავაც კარგად მართავს. „მხედველობა კარგი აქვს, რეაქციაც და ავტომობილის მართვისას თავდაჯერებულია, რაც ძალიან მნიშვნელოვანია“, - ამბობს შვილი.

იხილეთ ვიდეო:

ასევე დაგაინტერესებთ:
100 წლის ბაბუ საჭესთან