აბედნიერებს თუ არა ფული ადამიანს? მოდი, ასე ვთქვათ: ფული ადამიანს ათავისუფლებს და ამშვიდებს. ნუთუ მართლაც უსაზღვროდ არიან შეყვარებულები ავტომობილებზე ის ადამიანები, რომლებიც ”ლამბორგინებს” და ”ფერარებს” წინდებივით იცვლიან? ჰმ... არა გვგონია...
ჰო, ჩვენ, AUTO BILD-ის ავტორებს არ გვაქვს ფული. ყოველ შემთხვევაში იმდენი, რომ ”ლამბორგინი” და ”ფერარი” შევიძინოთ, მაგრამ ჩვენს გულებში ავტომობილების მიმართ უდიდეს სიყვარულს ვატარებთ. ეს ნამდვილი ავტოსიყვარულია.
დირკ ბრანკე Land Rover Defender 90-ის შესახებ
როცა ვუფიქრდები, თუ რა მჭირდება იმისათვის, რომ ავტომობილმა
ჩემი ცხოვრების წესიდან გამომდინარე, ყველგანმავალი მჭირდება - ოღონდ ნაღდი და საუკეთესო. ბლოკირებაც უნდა ჰქონდეს, დამაბადლებელი გადაცემა - მხოლოდ ასე ვიგრძნობ თავს ნამდვილად დაცულად და უსაფრთხოდ.
► რის მაქნისია და რაში მჭირდება ავტომობილის სრული ამძრაობა, თუ ეს ყველაფერი არ ექნება? სწორედ ესაა ჩემთვის მართვის სიამოვნება და ამ ყველაფერს, საუკეთესო გაგებით, ”ლენდ როვერ დეფენდერი” მთავაზობს.
ჩემი ბედნიერებისთვის ისიც აუცილებელია, რომ ყველგანმავალი მაქსიმალურად მარტივი და ქმედითი იყოს. ფორმა უნდა გამომდინარეობდეს ფუნქციურობიდან და არა პირიქით. ჩემი აზრით, ფუნქციური დიზაინი ყველაზე კარგი დიზაინია.
სწორედ ასეთმა მკაცრმა მიდგომამ შემაყვარა ”ლენდ როვერ დეფენდერი”, რომელსაც უგზოობაზე თავის გატანა შეუძლია. ეს არის ნაღდი, მუშა, ფუნქციური ყველგანმავალი და, შესაბამისად, დიდი პერსონა ავტოინდუსტრიაში. ეს არის მანქანა, რომელიც გულს არასდროს დაგწყვეტს - შერცხვენაზე ხომ ლაპარაკიც ზედმეტია.
პირიქით, ეს ავტომობილი მუდამ შენი მადლიერი იქნება, შენ კი - მისი მადლიერი. რა ბედნიერებაა, რომ ”დეფენდერი” არ გახდა პროგრესის შესაბამისად ”კორუმპირებული” ავტომობილი და მას არც მეტიჩარა დიზაინერების ხელები შეხებია. ბებერი ”ლენდი” უკანასკნელი მოჰიკანია, რომლის მსგავსი აღარასოდეს შეიქმნება.
დირკ ბრანკე
Land Rover Defender 90
ძრავა: 4-ცილინდრიანი, Turbo; მოცულობა: 2198 სმ3; სიმძლავრე: 90 კვტ (122 ცხ. ძ.) 3500 ბრ/წთ; მაბრუნი მომენტი: 360 ნმ/2000; წონა: 1902 კგ; საწვავის ხარჯი (EU-Mix): 10,2 ლ. დიზელი/100 კმ; გამონაბოლქვი: 269 გ/კმ; ფასი: 31 000 ევრო
ასევე იხილეთ:
ეს მერსედესი უერთგულესი მეგობარია
პატარა, მაგრამ ძალიან დიდი BMW
ყველა მამაკაცის ოცნების მანქანა: ლეგენდარული მუსტანგი
