ყველა მამაკაცის ოცნების მანქანა: ლეგენდარული მუსტანგი

ავტომობილები, რომლებიც ჟურნალ AUTO BILD-ის ავტორებს გულისცემას უჩქარებენ

აბედნიერებს თუ არა ფული ადამიანს? მოდი, ასე ვთქვათ: ფული ადამიანს ათავისუფლებს და ამშვიდებს. ნუთუ მართლაც უსაზღვროდ არიან შეყვარებულები ავტომობილებზე ის ადამიანები, რომლებიც ”ლამბორგინებს” და ”ფერარებს” წინდებივით იცვლიან? ჰმ... არა გვგონია...

► ჰო, ჩვენ, AUTO BILD-ის ავტორებს არ გვაქვს ფული. ყოველ შემთხვევაში იმდენი, რომ ”ლამბორგინი” და ”ფერარი” შევიძინოთ, მაგრამ ჩვენს გულებში ავტომობილების მიმართ უდიდეს სიყვარულს ვატარებთ. ეს ნამდვილი ავტოსიყვარულია.

ლუკას ჰამბრეხტი Ford Mustang Mach 1-ის შესახებ

ჯერ ზვიგენის ცხვირს შეხედავ, მერე კი მზერას

კაპოტს გააყოლებ, მოხდენილ ხაზს გაჰყვები და ცხენის უკანალი კიდევ უფრო მეტად მოგნუსხავს. კოკა-კოლის უკანასკნელი ყლუპი, ქილას მიწაზე ვანარცხებ და ვამტკიცებ: ეს ”ფორდი” 60-იანი წლების ერთადერთი საოცნებო ავტომობილია. იმიტომ, რომ Daytona-საც კი არ ჰქონდა იმდენი შესანიშნავი დეტალი, რამდენიც ამ ”მუსტანგს”!

► დაე მოვიდეს მხოლოდ ბიკინით შემოსილი ტეილორ სვიფტი და ამ მანქანასთან სელფი გადაიღოს - მე მას ვერც კი შევამჩნევ.

Auto Bild

და იცით, რა არის ყველაზე მაგარი? ვუდსტოკისა და მთვარეზე ასვლის დროს, ამ მანქანის ყიდვა ნებისმიერ ამერიკელს შეეძლო, ვისაც სამსახური ჰქონდა. აბა, მოუსმინეთ: გასაღები გადავატრიალოთ! ბრაბ-ბრაბ-ბრაბ. გაზი! ღრრრრრრრრ...

ლუკას ჰამბრეხტი

Ford Mustang Mach 1
ძრავა: V8; მოცულობა: 5766 სმ³; სიმძლავრე: 216 კვტ (294 ცხ. ძ) 4800 ბრ/წთ; მაბრუნი მომენტი: 522 ნმ/3200; წონა: 1484 კგ; საწვავის ხარჯი (EU-Mix): 20 ლ. Super/100 კმ; გამონაბოლქვი: 464 გ/კმ; ფასი: 40 500 ევრო

ასევე იხილეთ:
პატარა, მაგრამ ძალიან დიდი BMW