ნაღდი ჩინური პორშე, რომლის შესახებ ბევრმა არაფერი იცის

ჩინეთი დღეს ყველა საავტომობილო კომპანიისთვის მიმზიდველი ბაზარია. სხვანაირად ვერც იქნება, რადგან იქ მსოფლიოში ყველაზე მეტი ავტომობილი იყიდება. მაგრამ ადრე ასე არ იყო და იქ შეღწევით თითქმის არავინ ინტერესდებოდა. თუმცა იყო ცალკეული გამონაკლისები, რომელთა შორისაც, ამ ფოტოებზე გამოსახული ავტომობილია.

ეს ავტომობილი ჩინელებისთვის „პორშემ“ შეიმუშავა, რომელმაც 1990-იან წლებში, ამ პროექტის გარდა, საბჭოთა ვაზ-2108-სთვის ძრავის სრულყოფაშიც მიიღო მონაწილეობა.

იმ დროს, ცუფენჰაუზენელებს მოდელ „ბოქსტერის“ გამოშვება ჰქონდათ გადაწყვეტილი, მაგრამ ამისათვის საჭირო ფინანსები ვერაფრით მოიძიეს. სწორედ ამიტომ, ისინი ჩინეეთის მიერ გამოცხადებულ კონკურსში ჩაებნენ. კონკურსის მიზანი კი, ჩინური

საბიუჯეტო ავტომობილის შექმნა იყო.

„პორშეს“ სრულად ახალი ავტომობილის დასაპროექტებლად და კონცეპტუალური მოდელის შესაქმნელად, სულ რაღაც, 4 თვე ეყო. სედანისძარიან 4-მეტრიან ავტომობილს С88 დაარქვეს და მისთვის ახალი ლოგოც შეიმუშავეს. ის ეგრეთ წოდებული ბიოდიზაინის სტილშია შესრულებული, რაც განსაკუთრებით ინტერიერში იგრძნობა.

სალონში რამდენიმე ელემენტი, „პორშეს“ სხვა მოდლებთან საზიარო იყო.

С88-სთვის ძრავაც ახალი შეიქმნა. ეს იყო 4-ცილინდრიანი, 1.1-ლიტრიანი აგრეგატი, რომელიც 65 ცხენის ძალას გამოიმუშავებდა. მასთან წყვილში 5-საფეხურიანი მექანიკური გადაცემათა კოლოფი მუშაობდა. ავტომობილს, რომელიც მხოლოდ 980 კილოგრამს იწონიდა, ადგილიდან 100 კმ/სთ სიჩქარის აკრეფა 16 წამში შეეძლო, მისი მაქსიმალური სიჩქარე კი

165 კმ/სთ-ს აღწევდა. საწვავის ხარჯი 100 კილომეტრზე გასავლელად 5.8 ლიტრს შეადგენდა.

Auto Bild

მაგრამ, გაგიკვირდბათ და, ჩინეთის ხელისუფლებამ რატომღაც გადაიფიქრა С88-ის კონვეიერზე დაყენება. „პორშემ“ პროექტის სრული პაკეტის ინდოეთში გაყიდვა სცადა, მაგრამ არც ამჯერად გაუმართლა. საბოლოოდ, ავტომობილი კომპანიის მუზეუმში დამკვიდრდა...

ასევე იხილეთ:
საუკეთესო ყველგანმავალი!