ოლდთაიმერი, იანგთაიმერი, ხვალინდელი კლასიკა: BMW-ს მესამე სერიის პირველი სამი თაობა გამორჩეული მოდელებია. ეს საგა E21-ით დაიწყო, E30-ით გაგრძელდა, მერე იყო E36 და ა.შ. თუკი ამ კომპაქტური სპორტული სედანის პირველი ეგზემპლარები უკვე მხოლოდ სერიოზული მოყვარულების ფარეხებში დგას, მომდევნო მოდელები დღემდე ამტკიცებენ თავიანთ შესაძლებლობებს. ჩვენ გადავწყვიტეთ, რომ კითხვა ასე დაგვესვა: რა აერთიანებს ამ სამ BMW-ს, რომლებიც სხვადასხვა ათწლეულებიდან არიან? და რით განსხვავდებიან ერთმანეთისგან?
უძველესი E21
დავიწყოთ სულ ძველით, E21-ით. უფროსი თაობის
იმის გამო, რომ უძველესი ”მესამე სერია” მხოლოდ ერთ ტონაზე ოდნავ მეტს იწონის, 90 ცხენის ძალაც კი საკმარისია. მანქანა გაზის მიცემაზე სპონტანურად რეაგირებს, გულიანად მიიწევს წინ და რაც უფრო იმატებს ბრუნების რაოდენობა, მით უფრო სოლიდურად მიქრის. თუმცა, იმატებს ხმაურიც, რასაც დღეს, პირველ რიგში ავტობანზე შეამჩნევთ. საკმარისია, 21-ე საუკუნეში ამ მანქანით ტრასაზე შეუბერო, რომ ხელი გადაცემათა კოლოფის ბერკეტისკენ ძალიან ხშირად გაგექცევა, რათა მეხუთე სიჩქარეში გადართო, მაგრამ ამაოდ - ამ ”სამიანს” მეხუთე არ აქვს. შესაბამისად, ისღა დაგრჩენია, რომ მეოთხედან ამოგდებული ისევ მეოთხეში ჩააგდო, ან გახალისდე და მესამეში გლიჯო, რათა მეოთხე უფრო მუღამიანად დაბრუნდეს. აღსანიშნავია, რომ ხუთსიჩქარიანიც გამოდიოდა, მაგრამ გაცილებით ძვირი ღირდა. ამ ეგზემპლარს კი, რომელიც 1980 წელსაა გამოშვებული, მეხუთე არ აქვს.
E21 მოსახვევებში საგრძნობი გადახრით შედის, მაგრამ თავდაჯერებულია და მყისიერი საპირისპირო მანევრის დროსაც კი არ კარგავს თავს. ვისაც მეტი გართობა და ცელქობა უნდა, 320i ან ტოპ-მოდელი 323i უნდა აირჩიოს.
80-იანები E30-ით დაიწყო
ახლა კი დროა, E30-ში გადავჯდეთ, რაც 80-იან წლებში გადანაცვლებას ნიშნავს: ამ მანქანაში უკვე ძალიან საქმიანი გარემოა. მძღოლის სამუშაო მაგიდის ლანდშაფტი გაცილებით დახვეწილია და აღარ არის ისეთი უსწორმასწორო, როგორც წინამორბედში. სამაგიეროდ, შენარჩუნებულია კომპაქტური სედანის ყველა პლუსი ისე, რომ მძღოლმა და მგზავრებმა სივრცის ნაკლებობაზე არ იწუწუნონ. ოღონდ ეს მხოლოდ სალონის წინა ნაწილს ეხება, უკანა სავარძელზე ჯდომა კი, განსაკუთრებით შორ გზაზე, არცისე სასიამოვნო ამბავია.
M20-ექვსცილინდრიანი ძრავა, რომელიც BMW-ს კლასიკური ავტოპარკის ამ სატესტო მოდელს უდგას, ნეიტრალურ რეჟიმში მუშაობის დროსაც კი გულს გაგითბობს. პირველში ჩაგდებისა და გაზის მიცემის მერე კი, თავიდან მძიმედ იწყებს თავის საქმეს და მხოლოდ 3500 ბრუნიდან იგრძნობა სიცოცხლე, როგორსაც BMW-სგან ველოდებით.
მაგრამ ყველაზე კარგი იცით, რა არის? ბეჯითი აგრეგატია! მაღალი ბრუნები უყვარს! ეს ”მესამე სერია” მოსახვევიდან მოსახვევამდე მელოდიურად მიქრის და მისი ცელქი, ლიმიტის გადაჭარბებისას სახიფათო მანერა მაშინვე მიგახვედრებს, რომელი მარკის ავტომობილს მართავ.
ნახტომი 90-იანებში
ნუთუ ეს ყველაფერი E36-საც ასე კარგად გამოსდის? რაც უნდა იყოს, ის ხომ გაცილებით მძიმე მანქანაა. ამ კითხვაზე პასუხი ყოველგვარი ”თუს” და ”მაგრამის” გარეშე ასე ჟღერს: დიახ! ოღონდ მხოლოდ იმ შემთხვევაში, თუ კაპოტის ქვეშ ზედგამოჭრილი აგრეგატი დგას. როცა 1990 წელს მესამე ”სამიანი” გამოვიდა, კომპაქტურ სედანში 6-ცილინდრიანი ძრავა ჯერ კიდევ თემა იყო. სწორედ ესაა მისი პლუსი! ჩვენ განკარგულებაშია 1999 წლოის სატესტო მოდელი, რომელსაც 170-ცხენისძალიანი, 2,5-ლიტრიანი ძრავა უდგას. ეს ძალიან მაგარი მოტორია!
მართალია, დრო სჭირდება იმას, რომ წინამორბედის შემდეგ მის ინტერიერს შეეგუო, მაგრამ როგორც კი ადგილიდან მოწყდები, მხოლოდ ერთი სრუვილიღა გრჩება: რაც შეიძლება ხშირად წაავლო ხელი ბერკეტს, გადართო, გადმორთო და შარაგზებზე ისიამოვნო ამ ავტომობილის გამორჩეული სავალი ნაწილით და მწკრიული 6-ცილინდრიანის ავლადიდებით.
ცოტაც და ეს მანქანა უკვე 20 წლის მეორადი იქნება. ვისაც გყავთ, გაუფრთხილდით - ეს მანქანა სერიოზული ავტო-კლასიკა გახდება!
მარტინ პუთცი
ასევე იხილეთ:
BMW-მ ლას ვეგასში მომავალი გვიჩვენა! (+ VIDEO)
ლუქსი გერმანულად: ახალი მე-7 სერია და S-კლასი
BMW-ს ახალი ლუქს-ლიმუზინი:
ყველაფერი ახალი მე-7 სერიის შესახებ
იხილეთ ფოტოგალერეა:
რა შეიცვალა ახალ მე-7 სერიაში
წინამორბედ მოდელთან შედარებით?
10 ყველაზე სწრაფი SUV
BMW M4 GTS-ის გადასარევი წრე ნიურბურგრინგზე (+ VIDEO)
BMW-ს მომავალი სპორტქარი იაპონური გენებით
ამ BMW-ს ფერარიზე მეტი ბრუნის მომენტი აქვს
სუპერსპორტული BMW 2017 წლიდან გამოვა?
BMW-ს ახალი და მომავალი მოდელები
დატიუნინგებული BMW M2 480 ცხენის ძალით
რომელ მანქანებს იპარავენ გერმანიაში ყველაზე ხშირად?
გაიცანით: ყველაზე მძლავრი BMW X4
ყველაზე მძაფრი BMW M6
BMW თვითმფრინავის წინააღმდეგ