ჩემი კოლეგა თავის Golf II-ს ორთქლის საუნას უწოდებდა. საქმე იმაში იყო, რომ დეფექტიანმა რეზინებმა მისი ”გოლფი” სინესტის კერად გადააქციეს. ეს ყველაფერი 30 წლის წინათ იყო. დღესაც არსებობენ მძღოლები, რომლებიც თავიანთი ავტომობილის რეზინებს არ უვლიან და უფრო მეტიც - დაორთქლილ მინებს ნაჭრებით წმენდნენ.
- საიდან მოდის სინესტე მანქანაში და როგორ უნდა განვდევნოთ ის? გადავწყვიტეთ, რამდენიმე მნიშვნელოვანი რჩევა მოგცეთ.
ფიზიკის გარდა, სხვა მიზეზებიც არსებობს: მაგალითად, მანქანის ცუდი მოვლა. კარგი მოვლით, ხელის რამდენიმე მოსმითა და სწორი აქსესუარებით პრობლემას სწრაფად მოაგვარებთ. მარჯვენა გვერდზე ნახავთ რამდენიმე რჩევას, თუ როგორ უნდა შეინარჩუნოთ ინტერიერში სიმშრალე. თუ ამ რჩევების გათვალისწინების შემდეგ სინესტე მაინც დარჩა, მაშინ სპეციალისტთან უნდა მიხვიდეთ, რადგან მამჭიდროებელი შუასადებების პრობლემა იქნება.
მაშ ასე, თუ გვინდა, რომ ინტერიერი მშრალი იყოს...
სალონის ფილტრი
- უმეტეს შემთხვევებში, სინესტის მთავარი გამომწვევი მიზეზი სალონის დაბინძურებული ფილტრია ხოლმე.
სიმშრალე ყველგან!
- მაგალითად, საბარგულში, რომელსაც ყურადღებას იშვიათად ვაქცევთ. ამოიღეთ ყველაფერი და კარგად გაამშრალეთ საბარგულის მთლიანი განყოფილება.
სპეციალური ბალიში
- ასეთი ბალიშების ფასი 20 ლარიდან იწყება. ისინი სინესტეს ჰაერიდან იწოვენ. როდესაც ”გაივსება”, ბალიშს ცალკე გააშრობთ და კიდევ გამოგადგებათ.
ძრავის განყოფილება
- ახადეთ კაპოტი და შეამოწმეთ, რა ხდება საქარე მინის ქვეშ მდებარე სადინრებში. იქ, დროთა განმავლობაში ფოთლები და ათასი ნაგავი გროვდება, რის შემდეგაც წყალი აღარ გადის. გაასუფთავეთ სადინრები ჭუჭყისგან.
რეზინები
- მოუარეთ რეზინებს კარებზე, მინებზე და ლუქებზე. მას სპეციალური საცხი უნდა წაუსვათ, რომელიც საკმაოდ იაფია.
სადინრები
- აი, ასეთ სადინრებსაც უნდა მიაქციოთ ყურადღება. იქ წყალი თავისუფლად უნდა გაედინებოდეს. წინააღმდეგ შემთხვევაში, აუცილებლად შემოაღწევს ინტერიერში.
რეზინის სადები
- თოვლიან და წვიმიან ამინდში, მანქანის ინტერიერში სინესტე ფეხსაცმელებით შეგაქვთ. ასეთ დროს, უმჯობესია, რეზინის სადებები გქონდეთ.
აქსესუარები
- არსებობს სპეციალური აქსესუარები, რომელთა მეშვეობით, მინებს სიმშრალეს შეუნარჩუნებთ, მაგრამ მხოლოდ მაშინ, თუკი მინებს და რეზინებს უვლით კიდეც.
ჰაერის ნაკადი საქარე მინისკენ
- სრული დაბერვით საქარე მინისკენ! მხოლოდ ასე და მხოლოდ კონდიციონერის ჰაერი (მაღალი ტემპერატურა) გააშრობს დაორთქლილ მინას ყველაზე სწრაფად.
...როცა უკვე გვიანია
- პანიკაში ნუ ჩავარდებით, ყველა პრობლემა მოგვარებადია! უნდა გაწმინდოთ და გააშროთ საფუძვლიანად.
პირველ რიგში გამოცვალეთ სალონის ფილტრი. და შეცვალეთ ის რეგულარულად, ყოველ 15 000 კილომეტრზე. მოუარეთ რეზინებს. სინესტეს ავტომობილში არაფერი ესაქმება - დაორთქლილი მინები და ხილვადობის შეზღუდვა საკმაოდ სახიფათოა!
ბენდიქს კრონი
ასევე დაგაინტერესებთ:
რისი დატოვება არ შეიძლება მანქანაში ზაფხულში
ასევე დაგაინტერესებთ:
როგორ შევამციროთ საწვავის ხარჯი
10 მარტივი და რეალური რჩევა
თუ გვინდა, რომ მანქანა ერთგულად გვემსახუროს...
ასევე დაგაინტერესებთ:
ასე უნდა გადაუღოთ ფოტოები გასაყიდ ავტომობილს
8 წესი ავტომობილის ჯანმრთელობისთვის
როგორ დავემშვიდობოთ დაორთქლილ მინებს მანქანაში?
ასევე დაგაინტერესებთ:
რა არის და როგორ მუშაობს ABS და ESP?
უცხოეთის ქვეყნების უცნაური საგზაო წესები
როდის და როგორ უნდა გამოიყენოს მძღოლმა მუხრუჭი
რა უნდა გაითვალისწინოს მძღოლმა გასწრების დროს?
ასე უნდა გადაუღოთ ფოტოები გასაყიდ ავტომობილს
რა უნდა შევუმოწმოთ მანქანას შორ გზაზე წასვლის წინ
მანქანის ჩუსტებით, ”შლოპანცებით”
ან ფეხშიშველი მართვა ცუდი იდეაა!
საბურავი არ გაპატიებთ!
ნუ დაიხშობთ ყურებს საჭესთან!
როგორ უნდა ვიცნოთ ჯანმრთელი ძრავა?
როგორ მივხვდეთ, ნაავარიებია თუ არა ავტომობილი?