მალე ფორმულა 3-ის ახალი სეზონი იწყება, რომელშიც, მიხაელ შუმახერის შვილი, 18 წლის მიკ შუმახერი მონაწილეობს. სეზონის დაწყების წინ მან მამის შესახებ პირველად ისაუბრა მას შემდეგ, რაც 48 წლის შუმი სამი წლის წინ თხილამურებით სრიალის დროს დაეცა და დღემდე მძიმე მდგომარეობაშია.

”მამაჩემი ჩემთვის მისაბაძი მაგალითია. ის საუკეთესოა და ამიტომაცაა ჩემი კუმირი!” - განაცხადა მიკ შუმახერმა ტელეკომპანია RTL-ისთვის მიცემულ ინტერვიუში. სამწუხაროდ, მიკს არაფერი უთქვამს მიხაელის ჯანმრთელობის მდგომარეობაზე.

• ოჯახის გადაწყვეტილებით, უკვე თითქმის ორი წელიწადია, არ ვრცელდება ცნობები იმის შესახებ, თუ როგორაა სინამდვილეში ”შუმი”.

როგორც იცით, მიხაელ შუმახერი 2013 წლის დეკემბერში, თხილამურებით სრიალის დროს დაეცა და თავის ტვინის უმძიმესი დაზიანება მიიღო, რის შემდეგაც ჯერ კომაში იყო, ახლა კი მის შესახებ ოფიციალური ცნობები არ ქვეყნდება. შესაბამისად, ექიმების, ახლობლების და ოჯახის წევრების გარდა, ფაქტობრივად არავინ იცის, როგორაა ”შუმი”. ფაქტია, გამოჯანმრთელებული რომ იყოს, ამას არავინ დაგვიმალავდა.



მიკ შუმახერმა ”ბილდსაც” მისცა ინტერვიუ, სადაც აღნიშნა, რომ მისი მიზანი ფორმულა 1-ში ასპარეზობა და მსოფლიოს ჩემპიონობაა: ”რა თქმა უნდა, მეც იმაზე ვოცნებობ, რომ მამაჩემის გზა გავიარო და ფორმულა 1-ში მსოფლიოს ჩემპიონი გავხდე. ყველა მრბოლელი ხომ სწორედ ამაზე ოცნებობს.”

”მიკი ძალიან ნიჭიერია, მაგრამ ჯერ კიდევ ბევრი რამ აქვს სასწავლი. რა თქმა უნდა, მას აქვს იმის პოტენციალი, რომ ერთ მშვენიერ დღეს მსოფლიოს ჩემპიონობა იზეიმოს,” - ეს მიკ შუმახერის გუნდის შეფის, რენე როზინის სიტყვებია.



ფორმულა 4-ში ასპარეზობისას მიკ შუმახერი ყურადღების ცენტრში ყოფნას გაურბოდა და არსად ჩნდებოდა. ახლა კი, მას მერე, რაც ფორმულა 3-ში გადაინაცვლად, ინტერვიუებსაც ხშირად იძლევა და საზოგადოებაშიც უფრო და უფრო ხშირად ჩნდება. ისევე, როგორც დიდ შუმის, მიკსაც უყვარს ფეხბურთის თამაში და თავისუფალ დროს, სხვა მრბოლელებთან ერთად ხშირად ნახავთ საფეხბურთო მოედანზე.

ასევე დაგაინტერესებთ:
შუმახერი ფეისბუქზეა


ასევე იხილეთ:
შუმახერის მერსედესი იყიდება!


ცხოვრებას სინამდვილეში არანაირი წესი არ აქვს
მიხაელ შუმახერის ცნობილი გამონათქვამები


ლეგენდა არ მოკვდება - ცოტა რამ დიადი შუმის დიდი კარიერიდან


ფერარის ყოფილი ბოსი: შუმახერი განადგურებულია...


შუმახერის შვილები მამის კვალზე


შუმახერის პირადი ფოტოები ბავშვობიდან დღემდე


აირტონ სენას ცნობილი გამონათქვამები


სენა ფიქრობდა, რომ უკვდავი იყო...