აი, ეს ”მერსედესი” იყიდება ამჟამად ბერლინში. ეს გახლავთ 1998 წელს გამოშვებული Mercedes E 55 AMG T-Modell, რომლის პირველი მფლობელი ფორმულა 1-ის ლეგენდა მიხაელ შუმახერი იყო.


ფოტოებით თუ ვიმსჯელებთ, საკმაოდ კარგად გამოიყურება

ფასით დავიწყოთ: ვერცხლისფერი Mercedes E 55 AMG T-Modell, რომლითაც სულ თავიდან მიხაელ შუმახერი დადიოდა, 119 950 ევრო ღირს. იმ ფაქტს, რომ ამ ”ბენცის” პირველი მფლობელი სწორედ შუმი იყო, ოფიციალური დოკუმენტები ადასტურებენ. 1998 წლის ივლისში გამოშვებულ ამ სუპერ-კომბის 198 000 კილომეტრი აქვს გავლილი, ახლახან გაიარა გერმანული ტექ. დათვალიერება (TUV) და ფოტოებით თუ ვიმსჯელებთ, საკმაოდ კარგად გამოიყურება. განცხადებაში ვკითხულობთ, რომ მანქანას ახლახან გამოუცვალეს სამუხრუჭე სისტემა და საბურავები.



რაც შეეხება კომპლექტაციას: ავტომობილს ფაქტობრივად არაფერი აკლია - ნავიგაციით დაწყებული, ვიდრე Linguatronic-მდე. აქვს კლიმატკონტროლი, ქარხნული სიგნალიზაცია, პარკტრონიკი, Bose-ის აუდიო-სისტემა, სპორტული სავალი ნაწილი LM-დისკებით და ა.შ.



მისი ძრავა AMG-ის 8-ცილინდრიანი აგრეგატია, სიმძლავრე - 354 ცხენის ძალა. აღსანიშნავია, რომ ძრავა და ავტომატური გადაცემათა კოლოფი ხელუხლებელია. სტანდარტი - ევრო 4.

განცხადებაზე გადასასვლელი ლინკი



ასევე იხილეთ:
ცხოვრებას სინამდვილეში არანაირი წესი არ აქვს
მიხაელ შუმახერის ცნობილი გამონათქვამები


ლეგენდა არ მოკვდება - ცოტა რამ დიადი

შუმის დიდი კარიერიდან


ფერარის ყოფილი ბოსი: შუმახერი განადგურებულია...


შუმახერის შვილები მამის კვალზე


შუმახერის პირადი ფოტოები ბავშვობიდან დღემდე


აირტონ სენას ცნობილი გამონათქვამები


სენა ფიქრობდა, რომ უკვდავი იყო...