რჩევები მათთვის, ვისაც უნდა, რომ ავტომობილი ეკონომიურად მართოს

იორგ პაულსენი მძიმეწონიანია, მაგრამ როცა საქმე ავტომობილის ეკონომიურად ტარებას ეხება, ეს მუხასავით კაცი ძალიან მოქნილი ხდება. ”საწვავის დაზოგვის ჩიპი ავტომობილის ძრავაში კი არა, მძღოლის ყურებს შორისაა ჩადებული, - ასეთია მისი ფილოსოფია, - ვისაც საწვავის დაზოგვა უნდა, თუ მანქანას სწორად მართავს, ხარჯს მაქსიმუმ 20 პროცენტით თავისუფლად შეამცირებს.” პაულუსი ასეთი სურვილით შეპყრობილ მძღოლებს სპეციალურ კურსებს უტარებს და ტრიუკების გაზიარებაზე სიამოვნებით დაგვთანხმდა. რა თქმა უნდა, ამ რჩევებთან ერთად აუცილებელია, რომ ძრავა გამართულად მუშაობდეს, დროულად ცვლიდეთ საწვავის ფილტრს, ჰაერის ფილტრს, აალებად სანთლებს და ა.შ.


პირველ რიგში გაათავისუფლეთ თქვენი ავტომობილი ბალასტისგან. ამოიღეთ ყველაფერი, რაც ყოველდღე არ გჭირდებათ - თითოეულ გრამს მნიშვნელობა აქვს. წონის დაკლება ავტომატურად ნიშნავს იმას, რომ საწვავის ხარჯი შემცირდება.


დისტანციის დაცვა შესაძლებლობას მოგცემთ, წინასწარ გათვალოთ ნებისმიერი სიტუაცია და თავიდან აიცილოთ როგორც სწრაფი მუხრუჭი (და შესაბამისად, ხუნდების ცვეთა), ასევე სიჩქარის თავიდან აკრეფა და იმ მომენტში საწვავის ხარჯის შესაბამისი მატება. ვინც დისტანციას იცავს, ქალაქში არაერთხელ მიეცემა იმის შანსი, რომ სიჩქარიდან ამოაგდოს და საწვავი ამითაც დაზოგოს. ასეთი მიდგომა სიჩქარეს არ დაგაკარგვინებთ და საწვავსაც დაგიზოგავთ.

როდის აქვს აზრი ძრავის გამორთვას?

წამზომიანი შუქნიშანთან საწვავის ხარჯის დაზოგვის მიზნით ძრავის გამორთვას აზრი აქვს. თუ წითლის ხანგრძლივობა მინიმუმ 50-60 წამია, გამორთვას აზრი ნამდვილად აქვს, 10 ან 20-წამიან წითელზე კი - არა, რადგან თავიდან დაქოქვისას მანქანა დაზოგილზე მეტ საწვავს დახარჯავს. სტარტ-სტოპით აღჭურვილი ავტომობილები ამ საქმეს ავტომატურად აკეთებენ.


დაბერეთ საბურავები წიგნში მოცემულ, რეკომენდებულ მაქსიმალურ ნორმაზე 0.2-ით მეტით. ეს ამცირებს წინაღობას, ზოგავს საწვავს და იცავს საბურავებს.

ამოაგდეთ სიჩქარიდან

როგორც კი საშუალება მოგეცემათ, ამოაგდეთ სიჩქარიდან და გაათავისუფლეთ ძრავა უსარგებლო წნეხისგან. შეეცადეთ, შუქნიშანთან მიახლოვებისას, დაიცვათ დისტანცია და იმდენი მოახერხოთ, რომ მერე მანქანის ადგილიდან დაძვრა არ დაგჭირდეთ, რადგან ასეთ დროს ავტომობილი გაცილებით მეტ საწვავს მოიხმარს, ვიდრე მაშინ, როცა უკვე დაძრულს აჩქარებთ.

გადართეთ დროულად

ნუ დაგეზარებათ გადაცემების გადართვა და შეეცადეთ, რომ ტახომეტრის ისარი იშვიათად გადასცდეს 2000 ბრუნს. არასდროს დაიწყოთ მოძრაობა ძლიერი გაზით და როგორც კი სიჩქარე 20 კმ/სთ-ს მიაღწევს, მაშინვე გადართეთ მეორეში, 30 კმ/სთ-ს მიღწევის შემდეგ კი - მესამეში. მთავარია, ტახომეტრის ისარი 2000-ს იშვიათად ან საერთოდ არ ასცდეს.

დასკვნა
ვისაც საწვავის ხარჯის შემცირება უნდა, ავტომობილი ინტელიგენტურად უნდა მართოს. ცხადია, რთულია იმის აღიარება, რომ ავტომობილის ტარებისას ბევრ შეცდომას ვუშვებთ, მაგრამ ეს სულაც არ არის სამარცხვინო: ჩვენ ხომ ტარება გვასწავლეს და არა საწვავის ხარჯის დაზოგვა - შესაბამისად, ვატარებთ ისე, როგორც გვინდა და როგორც მოგვიხერხდება. ამ რჩევების გათვალისწინებით საწვავის ხარჯი მინიმუმ 10 და მაქსიმუმ 20 პროცენტით შემცირდება.


ნუ დაგეზარებათ გადაცემების გადართვა და შეეცადეთ, რომ ტახომეტრის ისარი იშვიათად გადასცდეს 2000 ბრუნს

ასევე დაგაინტერესებთ:
ასე უნდა გადაუღოთ ფოტოები გასაყიდ ავტომობილს


8 წესი ავტომობილის ჯანმრთელობისთვის


როგორ დავემშვიდობოთ დაორთქლილ მინებს მანქანაში?


როგორ უნდა ვიცნოთ ჯანმრთელი ძრავა?


რა დროს რა უნდა გამოვუცვალოთ მანქანას?


როგორ მივხვდეთ, ნაავარიებია თუ არა ავტომობილი?