”ბუნებრივი ავტორიტეტი” - აი, ამ სიტყვებით არეკლამებს BMW თავის X6M-ს. შეიძლება ასეც ითქვას: ამ SUV-ით ყველაზე უკეთ და მაქსიმალურადაა გარანტირებული ის, რომ სხვა მძღოლებისთვის ”გაიწიე, გამატარეს” დაძახება აღარ დაგჭირდეთ - მანქანა ამას თავისი ვიზუალით ისედაც ამბობს. თავისთავად ცალკე ფილოსოფიაა ის, რომ მისი ბენზინის V8-Twinturbo-ძრავა 575-ცხენისძალიანია. და როგორ დადის ამ აგრეგატით აღჭურვილი ხარი? გიგანტურად! ავტომობილის სიმძლავრეს ნებისმიერ დროს და ნებისმიერ მომენტში იგრძნობთ. ბავარიული SUV-კუპე მოსახვევებში გადახრით შედის, მოხვევის
BMW X6M-ში V8 აგრეგატი გუგუნებს, რომლის ბრუნის მაქსიმალური მომენტი 750 ნიუტონმეტრია
რაც მთავარია, პირველი კლასის სპორტული სავარძლები აქვს, რომლებსაც ელექტრონულად არეგულირებთ. სხვა? ბევრი არაფერი: ტიპიური SUV-კუპეა ფორმალური სიმძიმის ცენტრით. ხილვადობა ძალიანაა შეზღუდული, საბარგულითაც არ გამოირჩევა და არც სალონის უკანა ნაწილში შემოთავაზებული სივრცით - ყოველ შემთხვევაში, ამ ფასის ფარგლებში. ფასი ვახსენეთ და BMW X6M-ის ფასი (100 000 ევროზე გაცილებით მეტი) ერთი საკითხია, საწვავის ხარჯი კი - მეორე. როგორც არ უნდა იაროთ, საწვავის საშუალო ხარჯს 11 ლიტრზე დაბლა ვერ ჩამოიყვანთ. ჩვენი ტესტის დროს კი, საშუალო ხარჯი 100 კილომეტრზე 13,1 ლიტრი იყო. Super Plus, რა თქმა უნდა.
M, როგორც Motorsport: სპიდომეტრის შკალა 330 კმ/სთ-მდე!
► BMW X6M
ძრავა: V8, Biturbo; მოცულობა: 4395 სმ3; სიმძლავრე: 423 კვტ (575 ცხ. ძ.) 6000 ბრ/წთ; ბრუნის მომენტი: 750 ნმ/2200; მაქს. სიჩქარე: 250 კმ/სთ; აჩქარება 0-100 კმ/სთ: 4,1 წამში; ამძრაობა: სრული/8-საფ. ავტომატიკა; ავზი: 85 ლ; სიგრძე/სიგანე/სიმაღლე: 4909/1989/1689 მმ; საბარგულის მოცულობა: 550-1525 ლ; წონა: 2305 კგ; საწვავის ხარჯი: 13,1 ლ. Super plus/100 კმ-ზე; გამონაბოლქვი: 310 გ/კმ; ფასი: 117 700 ევრო
დასკვნა
BMW X6M უნდა მართო - მის უპირატესობებში მხოლოდ ასე თუ დარწმუნდები. 0-დან 100 კმ/სთ აჩქარებისას Porsche Cayman-ზე სწრაფია და დამუხრუჭებითაც სპორტქარივით ამუხრუჭებს. გიგანტურია!
იან ჰორნი
► გაინტერესებთ, კიდევ რომელი მოდელების გამოშვებას გეგმავს BMW ახლო მომავალში?
იხილეთ ფოტოგალერეა:
BMW-ს გეგმები 2020 წლამდე
რა შეიცვალა BMW-ს ახალ მე-7 სერიაში?
