W 201, რომელსაც თავიდან ბევრი ალმაცერად უყურებდა, მალე მთელი გერმანიის ერთ
Mercedes 190 D, გამოშვების წელი 1991, გარბენი 33 340 კმ. არა, ეს გარბენი არ არის ჩამოყრილი და არც ათვლა დაწყებულა თავიდან
ალბათ გაინტერსებთ, რატომ გირჩევთ მაინცდამაინც 190-ს? გეტყვით: არჩევანი ძალიან დიდია და შემოთავაზებულ ეგზემპლარებს შორის ბევრია კარგად მოვლილი და თანაც, ძვირსაც არ აფასებენ. თუ გინდათ, რომ პირველი ხელიდან იყიდოთ და მანქანას 100 000 კილომეტრზე ნაკლები ჰქონდეს გავლილი, ასეთი ეგზემპლარები 5000 ევრო ღირს. კონკრეტულად ეს მანქანა ფირმა DB-ში ვიპოვნე, რომელსაც ძირითადად 190-ები ჰყავს.
კონკრეტულად ეს მოდელი კი ახლახან მიიღეს - 1991 წელსაა გამოშვებული და ერთი ბებოს გარდა არავის ჰყოლია. ქალბატონი უკვე 95 წლისაა და თუ ”ბენცით” მგზავრობა მოუნდა, ახლა მხოლოდ ტაქსის თუ დაუძახებს. თუმცა ბებოს ამ მანქანით ბევრი ისედაც არ უვლია - მანქანას მხოლოდ 33 340 კილომეტრი აქვს გავლილი და თანაც დიზელის ძრავა აქვს! 91-ში ქალბატონმა დამატებით ოფციებში ABS, ლუქი, მისაბმელის კაუჭი და ცენტრალური საკეტი შეუკვეთა. სარკეები ისე ადვილად რეგულირდება, თითქოს გუშინ ნაყიდი მანქანა იყოს. საინტერესოა, სად და რა მდგომარეობაშია ახლა ჩემი საყვარელი მასწავლებლის ეგზემპლარი?
ხედავთ შავ შახტას? ქალბატონს, რომელიც 1919 წელსაა დააბადებული და 95 წლისაა, რადიოზე უარი უთქვამს. საინტერესოა, თვითონ მღეროდა?
+ დიდი არჩევანი: სულ 1,9 მილიონი ეგზემპლარი გაიყიდა და აქედან ნახევარზე მეტი გერმანიაში დარჩა. დღეისათვის შემოთავაზებული 190-ებიდან გერმანიაში უმეტესობას მხოლოდ ერთი პატრონი ჰყავდა. განსაკუთრებით 1988 წლიდან გამოშვებულ ეგზემპლარებს გირჩევთ, რომლებიც ჟანგვისგან იდეალურადაა დაცული.
- დიზელის ძრავა გარემოს ძალიან აბინძურებს, გამონაბოლქვის სისტემის ფილტრი კი საკმაოდ ძვირია. 1988 წლამდე გამოშვებულ მოდელებს კოროზიის პრობლემაც აღენიშნებათ. შეძენამდე კარგად გამოიკვლიეთ ძარა.
განაჩენი
თუ ”იანგთაიმერი” გსურთ, Mercedes 190 ერთ-ერთი საუკეთესო და გონივრული გადაწყვეტილებაა. 5000 ევროდ კარგად მოვლილი ეგზემპლარი მოგივათ, რომელსაც დიდი გარბენი არ ექნება და მხოლოდ ერთი პატრონის ხელში იქნება ნამყოფი.
ანდრეას მაი
აქ დიზელის 2-ლიტრიანი აგრეგატი მუშაობს, რომლის სიმძლავრე 75 ცხენის ძალაა. გაფუჭებული ტურბინის არ შეგეშინდეთ - ტურბო საერთოდ არ აქვს!
