მსოფლიოს მიკარგულ წერტილში ე.წ. მკვდარი ზონის ასისტენტი აუცილებელია? ქვებზე და კლდეებზე სტარტ-სტოპ-ავტომატიკა ვინმეს სჭირდება? და რატომ აქვს უკანასკნელ მოჰიკანს მაგნეზიუმის უკანა კარი?
- იმიტომ, რომ შეუძლია!
თუმცა ჩვენ მაინც ახალ ზელანდიაში წავედით, რადგან აქ უბრალოდ უფრო ლამაზი ფოტოები გამოდის. სიმწვანეცაა და თოვლით დაფარული მთებიც. მდინარეების გადალახვაც შეგვიძლია. შუადღისას კი მზე ისე გათბობს,
საკულტო მოდელი უძველეს ტრადიციებს არ ღალატობს
ახალი Jeep Wrangler-ის გატესტვა სწორედ ახალი ზელანდიის სამხრეთ კუნძულზე გადავწყვიტეთ. ეს გახლავთ ლეგენდარული ავტომობილის სრულიად ახალი პირმშო, ლეგენდის თავიდან დაბადება. მისი უპირველესი წინაპარი ხომ 1942 წელს გამოჩნდა. ახლა კი მისი შვილთაშვილი დაიბადა, რომლის სრული სახელია Jeep JL Wrangler Rubicon.
- ”ჯიპის” შეფდიზაინერი მაიკ ალენი ამ მანქანაზე ამბობს, გერმანელებს ხომ გყავთ ”პორშე 911”, ეს კი ჩვენი პორშე 911-იაო.
დაკუთხული უკანა მაშუქები: პრინციპში, Jeep Renegade-ს დიზაინია, მაგრამ სენსორებით
მართალია, დრო იცვლება, მაგრამ საბაზო დიზაინი უცვლელია. ”როგორც კი ვიწყებთ იმაზე საუბარს, რომ ჩვენი მარკის სავიზიტო ბარათის დიზაინი შეიძლება შეიცვალოს, ”ჯიპის” მოყვარულები მაშინვე თავდაყირა დგებიან და იწყება უდიდესი დისკუსიები. ასიათასობით წერილი მოგვდის ხოლმე - დიზაინს ხელი არ ახლოთო,” - ამბობს ალენი, ეღიმება და დასძენს: ”მაგრამ ჩვენ ეს მაინც გავაკეთეთ!”
თუმცა ცხადია, რომ ახალ ”ვრანგლერზე” მუშაობისას, დიზაინის გუნდი დიდად დატვირთული არ ყოფილა. ისინი მშვიდად და ყოველგვარი დაძაბულობის გარეშე მუშაობდნენ. ახალი მოდელის ექსტერიერი სიურპრიზების გარეშეა - ოდნავ შეიცვალა ცხაურა, ტრაპეციის ფორმა მიიღო და წინ ჰორიზონტალური დახრა აქვს. ბამპერები ახლა უფრო ფილიგრანულია.
მთავარი მაშუქები ისეთი მრგვალია, როგორც 50-იანი წლების მოდელში
ზოგადად, ვიზუალური თვალსაზრისით ავტომობილი მსუბუქად შეიცვალა - ეს უფრო ფრთხილი მოდერნიზებაა, ვიდრე რევოლუციური ცვლილებები. განსაკუთრებული სიახლეა მსუბუქად შეცვლილი რადიატორის ცხაურა და განახლებული ფარები. ახლო განათების მაშუქები ისევ მრგვალია, დღის განათების მაშუქებმა კი ფრთებზე გადაინაცვლა, სადაც მოხვევიც ციმციმებთან ერთადაა განლაგებული. დამატებითი ოფციებით წინა და უკანა მაშუქები LED-ტექნიკითაა ხელმისაწვდომი. ხელის რამდენიმე მოძრაობით საქარე მინას წინ გადასწევ, კარებს მოაშორებ და დიდი ბაბუა, Willys მოგესალმება!
- მთავარი სიახლე ინტერიერში ცენტრალური სენსორული ეკრანია, რომელიც მინიმუმ 7,4-დუიმიანი შეიძლება იყოს, მაქსიმუმ კი - 8-დუიმიანი.
ზუსტად ისე, როგორც ამერიკელებს თავისი ჯიპი უყვართ: სახურავის, კარებისა და ფანჯრების გარეშე
მძღოლის გვერდითა მგზავრის წინ განთავსებული სახელურიც უბრალო, მაგრამ ძალიან მყარი და სტაბილურია. აი, მის ქვეშ მოთავსებული სახელთათმანე უჯრა კი ძალიან მცირე ზომისაა. სერიოზული ოფროუდის მოყვარულები იქ ბევრს ვერაფერს ჩაატევენ.
იმ დროს, როცა მოკლე ბაზის მქონე ორკარიან ვერსიას დეტალურად ვათვალიერებთ და სანტიმეტრს-სანტიმეტრზე ვაკვირდებით, ერთ-ერთი ინჟინერი ჯონ მროზოვსკი გვეჭრება: ”ვრანგლერი სრულიად განვაახლეთ!”
- ”ასიათასობით წერილი მოგვდის ხოლმე - დიზაინს ხელი არ ახლოთო!” - მაიკ ალენი, შეფდიზაინერი
თანამედროვე სისტემები, მულტიმედია, მაგრამ წყლის მისხმას აიტანს. თუმცა, მაინც ისე გამოიყურება, რომ ამ კოკპიტს ტალახისთვის ვერ გაიმეტებ
იმ დროს, როცა თანამედროვე SUV-ები ძირითადად ქალაქში დადიან და მზიდი ძარა (უჩარჩოო ძარას ტიპი) აქვთ, ეს ამერიკელი ნამდვილ ოფროუდერად რჩება და არქაულ წესებს ზედმიწევნით ზუსტად იცავს. სრული ამძრაობა, დამადაბლებელი გადაცემა და ბლოკირებადი დიფერენციალები ყველაფერზე ნათლად მეტყველებს. ეს მანქანა მივა ყველგან, სადაც მანქანას უნდა მიესვლებოდეს.
სიახლე ის არის, რომ ”ვრანგლერი” ჩვეულებრივი, კარგი გზებისთვის უფრო კომფორტული გახდა. თუნდაც იმიტომ, რომ 2 ლიტრი მოცულობის, 4-ცილინდრიანი ტურბო-ძრავითა და 8-საფეხურიანი ავტომატური გადაცემათა კოლოფითაც ხელმისაწვდომია (270 ცხენის ძალა, 400 ნმ). ეს ყველაფერი ”ალფა რომეოსია” და ამერიკის ბაზრისთვის გათვალისწინებულ, ატმოსფერული 3,6 V6 ძრავას ცოტა აძველებს.
მოკლედ, ევროპული ბაზრისთვის “ვრანგლერი” გაყიდვების სტარტზე მხოლოდ განახლებული 2-ლიტრიანი (4 ცილინდრი) ტურბო-აგრეგატით იქნება ხელმისაწვდომი, რომელსაც 270 ცხენის ძალა აქვს. ეს ძრავა 8-საფეხურიან ავტომატურ გადაცემათა კოლოფთან თანამშრომლობს. ასევე განახლდა ნაცნობი 3,6-ლიტრიანი V6 ძრავაც - მას ახლა 285 ცხენის ძალა აქვს და ამ აგრეგატით “ვრანგლერი” ამერიკაში იქნება ხელმისაწვდომი. ევროპულისგან განსხვავებით, ეს ძრავა 6-საფეხურიან მექანიკურ გადაცემათა კოლოფთან ერთადაც ხელმისაწვდომია.
“ჯიპი” ამერიკაში პირველად გაყიდის “ვრანგლერს” დიზელის ძრავით. ეს არის 3 ლიტრი მოცულობის მქონე V6, რომლითაც ახალი მოდელი 2019 წლიდან გაიყიდება. ახალი “ვრანგლერის” სავარაუდო საწყისი ფასი 36 000 ევროა.
იურგენ ციოლტერი
ტექნიკური მონაცემები
ძრავა: 4-ცილინდრიანი, Turbo; მოცულობა: 1995; სიმძლავრე: 200 კვ (272 ცხ. ძ.) 5200 ბრ/წთ; მაბრუნი მომენტი: 400 ნმ, 3000 ბწ/წთ; ამძრავი: უკანა/სრული, 8-საფ. ავტომატიკა; სიგრძე/სიგანე/სიმაღლე: 4237/1875/1868 მმ; წონა: 1894 კგ; საბარგულის მოცულობა: 142-430 ლიტრი; ფასი: 36 000 ევროდან.
JEEP-ის ისტორია
1941 წელს კომპანიამ American Bantam ამერიკული არმიისთვის მსუბუქი ყველგანმავლის პროტოტიპი წარმოადგინა. თუმცა, როცა წარმოებაზე მიდგა საქმე, კომპანიამ ვერ შეძლო საკმარისი რაოდენობის შექმნა. ამის შემდეგ, გეგმები Willys Overland-მა გადაიბარა და შექმნა ავტომობილი Willys MB. მომდევნო წლებში ეს მანქანა ამერიკის არმიის მთავარი ავტომობილი გახდა და მიიღო მეტსახელი Jeep. დღეს ეს საავტომობილო მარკა ფიატ-კრაისლერის კონცერნს ეკუთვნის.
მილიტარისტული ვერსია 40-იანი წლების დასაწყისში - Willys-Go-Devil-ძრავით (2,2-ლიტრიანი, 60 ცხენის ძალა)
1976 წლის CJ-7: ამ დროისთვის ”ჯიპი” AMC-ს ეკუთვნოდა. პირველად გამოვიდა მოდელი ჰარდტოპით
საკულტო ვერსია: Wrangler TJ, უკვე კრაისლერის კონცერნიდან, რომელმაც ”ჯიპი” 1987 წლიდან გადაიბარა
იხილეთ ვიდეო:
აი, ასეთი ყველგანმავალია ახალი ჯიპ ვრანგლერი
ასევე დაგაინტერესებთ:
ჯიპი ბუგატის მონაცემებით
Grand Cherokee 1000-ზე მეტი ცხენის ძალით
ომის ვეტერანის შეხვედრა შვილიშვილთან
არანორმალური დუელი: ლუაზი გელენდევაგენის წინააღმდეგ
ახალი სახალხო ჯიპი იტალიური გენებით
ასევე იხილეთ:
განახლებული Jeep Grand Cherokee
Jeep Grand Cherokee SRT თვითმფრინავის წინააღმდეგ (+ VIDEO)
საიუბილეო რეტრო-ვრანგლერი
ღირს თუ არა ამ ჯიპის ყიდვა?
2016 წლის საუკეთესო 4x4 ავტომობილები
ვიდეო: ჯიპი რომ გყავს, ეს ჯერ კიდევ არ ნიშნავს, რომ...
ჯიპი, რომელიც ტრადიციებს და ისტორიას აგრძელებს (+ VIDEO)
მონსტრი ჯიპები ამერიკიდან (+ ფოტოგალერეა)
სრული სვლით ცუდ გზებზე - Jeep Cherokee Trailhawk
ჯიპი ყოველი შემთხვევისთვის
გრანდიოზული გრანდი
ასევე დაგაინტერესებთ:
სანამ ახალი G-კლასი გამოვა:
კიდევ ერთი ზონდერი AMG-სგან
პირველი გასეირნება მერსედესის პიკაპით - გაიცანით X-კლასი
ასევე დაგაინტერესებთ:
ყველაფერი ყველაზე ძვირი ყველგანმავლის შესახებ