თქვენ წინაშეა ხუთი ველური კლასიკა Muscle Car-ების ოქროს ერიდან : Dodge Charger 440, Ford Torino GT 429, Pontiac GTO, Chevrolet Chevelle SS 350 და Plymouth Road Runner Superbird.

«I like smoke and lightning Heavy metal thunder Racin’ with the wind And the feelin’ that I’m under» (Steppenwolf, 1968)

Dodge Charger 440, Ford Torino GT 429, Pontiac GTO, Chevrolet Chevelle SS 350, Plymouth Road Runner Superbird

ამერიკული ავტომობილების მოყვარულები ამბობენ ხოლმე, როცა ეს ავტომობილები გამოვიდნენ, ამერიკა ხელახლა იქნა აღმოჩენილიო. Muscle Car-ების წარმოშობით ამერიკაში საავტომობილო და სექსუალური რევოლუციები ერთმანეთს დაემთხვა და ეს იყო უდიდესი გარდატეხა.

60-იან წლებში ამერიკელები საავტომობილო კუთხით საკუთარ თავს ვეღარ ცნობდნენ. დადგა მომენტი, როცა ბოლო მოეღო ამერიკელი «მამიკოების საყვარელ კრეისერებს» და ამავდროულად, იაფფასიანი ავტომწარმოებლების ქარხნებში წარმოიქმნა რაღაც ახალი - თანაც, ფაქტობრივად შემთხვევით. დეტროიტის პატარ-პატარა ჯურღმულებში ახალგაზრდა ინჟინრებმა ახალი საავტომობილო კონცეფციის «ძერწვა» დაიწყეს: ესენი იყო Factory Hot Rods, საშუალო კლასის ძალიან უბრალო მანქანები, ე.წ. Intermediates, ყოველგვარი ქრომისა და მდიდრულობის გარეშე, მაგრამ საკმარისზე გაცილებით მეტი სიმძლავრით!



მერე ამ ბიჭებმა თავიანთი ბოსები მარტივად დაარწმუნეს იმაში, რომ იაფი ავტომობილი დიდი სიმძლავრით იმ დროს და ეპოქას შეეფერებოდა. ასე შეიქმნა პირველი Muscle Car-ები (Muscle - კუნთი, Car-ავტომობილი). უდიდესი ამერიკული საავტომობილო კონცერნი General Motors თავიდან მთლად ბოლომდე არ იყო დარწმუნებული იმაში, რომ ეს კონცეფცია გაამართლებდა, მაგრამ GM-ის შეფებმა მაინც გადაწყვიტეს და 1964 წელს გამოუშვეს Pontiac GTO 6,3-ლიტრიანი, 8-ცილინდრიანი ძრავით! არადა, ასეთმა ავტომობილებმა თავიდანვე მოიხვეჭეს პოპულარობა - განსაკუთრებით ახალგაზრდებში, რომლებმაც 60-იან წლებში ამ ახალი «სათამაშოების» მასობრივად შეძენა დაიწყეს.


როგორც კი ბუმი დაიწყო, მაშინვე თითქმის ყველა ამერიკულმა მწარმოებელმა აიტაცა ახალი მოდა და თავისი Muscle Car თითქმის ყველამ გამოუშვა. ფაქტობრივად გაჩაღდა ომი «კრაისლერს», «ფორდსა» და «ჯენერალ მოტორსს» შორის, რომლებიც ერთმანეთს არა მარტო ავტომობილებით, არამედ ფსიქოდელიური სარეკლამო კამპანიებით, აგრესიულო სლოგანებითა და ძალიან დიდი ძრავებით ებრძოდნენ. ამრიგად, ამერიკული ავტოგემოვნება Cruising Night-დან Drag Racing-ზე გადავიდა - თანაც, ამ პროცესს ფონად «როკ ენ როლი» გასდევდა და პროცესს აძლიერებდა. სწორედ მაშინ აღმოცენდა «ჰევი მეტალიც» და ისეთმა ჯგუფმა, როგორიც იყო Steppenwolf, ნამდვილად დაამშვენა სისწრაფისა და სიმძლავრის მოყვარული ავტომობილისტების ეპოქა ისეთი კლასიკური ჰიტით, როგორიცაა Born to Be Wild.

გადავწყვიტეთ, Muscle Car-ების ოქროს ეპოქიდან ხუთი ველური ტიპი წარმოგიდგინოთ და რაკი სრულიად არარაციონალური ავტომობილების რაციონალურად შეფასება წარმოუდგენელია, თქვენი დასკვნები თქვენვე გააკეთეთ. Ford Torino, Pontiac GTO, Chevy Chevelle, Dodge Charger და Plymouth Superbird - რომელია საუკეთესო? ჩვენ ჩვენი რეიტინგი შევადგინეთ, მაგრამ დარწმუნებულები ვართ, თითოეულ თქვენგანს თვენი საკუთარი ვერსია ექნება.

მაშ ასე: დიდი ძრავები, ცხენის ძალები, ფერები, ხმა, ადრენალინი - Fasten your seatbelts!

მეხუთე ადგილი: Plymouth Road Runner Superbird







იხილეთ ფოტოგალერეა:
საუკეთესო კლასიკური ავტომობილები