პეკინის ავტოშოუს ერთ-ერთი უმთავრესი გმირი “მერსედეს-მაიბახის” საკმაოდ უცნაური ქროსოვერი გახდა - სახელწოდებით Mercedes-Maybach Ultimate Luxury. ეს ჯერაც კონცეპტია, მაგრამ მისი სერიული წარმოება მალე დაიწყება.

“მაიბახის” ქროსოვერი საკმაოდ დიდია - მისი სიგრძე 5260 მილიმეტრი გახლავთ, სიგანე - 2110 მილიმეტრი, ხოლო სიმაღლე - 1764 მმ.

• მისი დიზაინი, რბილად რომ ვთქვათ, საკმაოდ უცნაურია!

ინტერიერი, რა თქმა უნდა, უკიდურესად მდიდრულია. უმაღლესი ხარისხის ტყავი, ხე და უძვირფასესი მასალები - ოლიგარქები ამ სალონით იამაყებენ. აქვს 4 ცალკეული სავარძელი - რა თქმა უნდა, გათბობით, გაგრილებით და მასაჟების ფუნქციით.



კონცეპტს 4 ელექტრომოტორი აქვს - ჯამური სიმძლავრე 750 ცხენის ძალას შეადგენ, მაქსიმალური სისწრაფე კი 250 კმ/სთ-ია. 80 კვ/სთ-იანი ელემენტების ბლოკის რესურსი ერთი დამუხტვით 500 კილომეტრია.



სერიული ვერსია, დიდი ალბათობით, 4-ლიტრიან V8 ძრავას მიიღებს (ტვინ-ტურბო), რომლის სიმძლავრე 500 ცხენის ძალაა. სერიული ვერსია ახალი Mercedes GLS-ის პლატფორმაზე შეიქმნება.

იხილეთ ვიდეო:
აი, ასეთია მაიბახის ქროსოვერი