ჩვენში დღესაც, როცა „ასფალტის ჭამით“ ვერავის გააკვირვებ, ცუდ გზებს ახლაც ხშირად ნახავთ. ქალაქებში ნაკლებად, მაგრამ მაინც… უკრაინაში კი გაააცილებით საშინელი გზებია!

ახლახან, ქალაქ ტერნოპოლის გამოცემა „პრო ვსიოს“ გამოუქვეყნებია ფოტო, რომელზე ასახულ გზასაც გაჭირვებით თუ შეიძლება გზა უწოდო. იქვე განმარტებულია, რომ ეს უკრაინაში არსებულ გზებს შორის ყველაზე უარესია.

იხილეთ ვიდეო: ყველაზე საშინელი გზა უკრაინაში

ფოტო დროგობიჩ-სამბორის დამაკავშირებელ გზაზეა გადაღებული. ასეთ დღეშია გზის 20-კილომეტრიანი მონაკვეთი, რომელსაც პირობითად თუ შეიძლება უწოდო მოასფალტებული. იფიქრებ, ეს გზა მტერს კასეტური ბომბით დაუსეტყვავსო. ამ ზამთარში გზა კიდევ უფრო მეტად დაზიანებულა. იმდენად, რომ იქ ავტობუსებიც კი აღარ დადის.

ისე, „საიდუმლოდ“ გეტყვით, რომ პოლონეთში, ერთ-ერთი კომპანიის მიერ ჩატარებული ტესტების დროს, ვროცლავსა და კრაკოვს შორის, მესამეხარისხოვანი გზა, რომელიც ტყის სამივში გადიოდა, უამრავი ორმოთი დაგვხვდა. თუმცა მაშინ ზაფხული იყო და ორმოებს შორის სლალომით ვახერხებდით გავლას. ამ უკრაინულ გზაზე გავლის შემდგ კი ადამიანს ალბათ კბილების პროთეზის გაკეთება მოუწევს...

იხილეთ ვიდეო:
ყველაზე საშინელი გზა უკრაინაში


ასევე დაგაინტერესებთ:
რუსი გოგონები ცუდი გზების წინააღმდეგ (+ VIDEO)