ტოიოტა სუპრას ევოლუცია (+ ვიდეო)

საავტომობილო სამყარო მოუთმენლად ელის მომენტს, როცა „ტოიოტა“ თავის პოპულარულ სპორტქარ „სუპრას“ ახალ თაობას წარმოადგენს. იაპონური კომპანიის სამოდელო გამას ეს ავტომობილი დიდი ხანია აკლია. ახლა ძნელია იმაზე ლაპარაკი, თუ რამ გამოიწვია მისი წარმოების გაჩერება. მაგრამ ფაქტია, ცარიელი ადგილი მალე შეივსება.

იხილეთ ვიდეო: ტოიოტა სუპრას ევოლუცია

ახალ სპორტქარზე მუშაობისას, „ტოიოტას“ პარტნიორობას BMW უწევს, რომელიც იმავე პლატფორმაზე თავის Z4-ს გამოუშვებს (იხილეთ სტატია). ბავარიელებმა თავიანთი მოდელი უკვე გვიჩვენეს. ახლა „ტოიოტას“ ჯერია, რომელმაც დიდი ხანია, კონცეპტ FT-1-ის სახით, ახალი „სუპრას“ შესაძლო გარეგნობა გვიჩვენა.

Auto Bild

ამ კონცეპტმა

(ფოტოზე) დიდი მოწონება დაიმსახურა და მიუხედავად იმისა, რომ სერიული ავტომობილი მისი მსგავსი იქნება, მას ალბათ არ გამოჰყვება ის მასიური ცხვირი, რომელიც FT-1-ს ორიგინალობას ანიჭებს. ისე, ახალ ავტომობილს შეიძლება სულაც არ დაარქვან „სუპრა“. მოკლედ, მომავალ სიახლესთან დაკავშირებით, დიდი აჟიოტაჟია.

სხვათა შორის, მისი პრემიერა დეტროიტის ავტოშოუზე იყო მოსალოდნელი, მაგრამ „ტოიოტამ“ გამოაცხადა, რომ იქ ამ ავტომობილს არ უნდა ველოდოთ. მაშინ, ჟენევა? შესაძლებელია, რადგან ევროპის ცენტრში მსოფლიო პრემიერები ხშირია. მანამდე კი თვალი მივადევნოთ ვიდეოს, რომელიც „სუპრას“ ისტორიას გაგვახსენებს…

იხილეთ ვიდეო:
ტოიოტა სუპრას ევოლუცია