ბოლო დროს კორეულმა ავტომობილებმა დიზაინის (და არა მარტო) კუთხით დაუჯერებელი პროგრესი განიცადეს. შრაიერი ”აუდის” ყოფილი შეფ-დიზაინერია, რომელიც ”კიამ” ”ფოლკსვაგენის” კონცერნიდან რამდენიმე წლის წინათ გადაიბირა და პეტერმაც კორეულ მანქანებს ისეთი პროგრესი განაცდევინა, რომ მალე მთლიანად ”ჰიუნდაი-კიას” კონცერნის შეფად დანიშნეს. AUTO BILD შრაიერს გაესაუბრა.
- რომელ წელში ცხოვრობთ პროფესიული თვალსაზრისით და როგორი მანქანებია მაგ დროში მნიშვნელოვანი?
- 2022 წელში ვცხოვრობ და მაგ დროს ”მაღლა ჯდომა” კიდევ უფრო
- დღესდღეობით ”კიას” პირველ რიგში შესანიშნავი გარანტიის გამო ვყიდულობთ. რატომ ვიყიდით 10 წლის შემდეგ?
- აღფრთოვანების გამო. შეხედეთ ”სტინგერს”. ეს ავტომობილი შესანიშნავად გამოხატავს იმას, თუ რა შეგვიძლია და რას ვაპირებთ მომავალში. კარგი დიზაინი ყოველთვის მთავარი იქნება.
- ”კიას” და ”ჰიუნდაის” შეფ-დიზაინერი ხართ. რით უნდა განსხვავდებოდნენ ეს მარკები ერთმანეთისგან?
- ”ჰიუნდაი” ”დედაა”, მას უფრო მწიფე დიზაინი უნდა ჰქონდეს. ”კია” გამომწვევია, უფრო ახალგაზრდული, ახლებური და შეუძლია, მოურიდებელიც იყოს.
- ”სტინგერი” პირველი ნაბიჯია. როდის შეიძლება დაეწიოთ ”აუდის” და BMW-ს?
- ”სტინგერზე” მუშაობისას მთავარი მოტივაცია კარგი მანქანის შექმნა იყო. ისეთი მანქანის, რომელიც მარკას წინ წასწევდა. ეს მოდელი ჩვენი იმიჯის განმსაზღვრელი უნდა იყოს. ”სტინგერი” ”კიას” იმიჯს მნიშვნელოვნად მაღალ საფეხურზე აიყვანს.
AUTO BILD-მა 2013 წელს პეტერ შრაიერი ავტოსამყაროს წლის ადამიანად აღიარა და ”ოქროს საჭით” დააჯილდოვა
- ”მაზდას” ჰყავს გასართობი როდსტერი MX-5. ასეთი რამ ”კიასაც” სჭირდება, თუ კაბრიოლეტები უკვე მოდიდან გადავიდა?
- ასეთი პატარა, უკანაამძრაციანი როდსტერის შექმნაზე ყოველთვის ვოცნებობდი. წარმოუდგენელი სულაც არაა, რომ ოდესმე ეს ოცნება ამიხდეს. ყველაზე მთავარი ის არის, რომ უკანაამძრავიანი იყოს მისაღები ფასი ჰქონდეს.
- რომელი მანქანა ან მანქანები იყო მისაბაძი მაგალითი ”სტინგერზე” მუშაობისას?
- სტუდიური მოდელი GT, რომელიც 2011 წელს ვაჩვენეთ. გარდა ამისა, 70-იანი წლების დიდი ”გრან ტურიზმოებითაც” ვიხელმძღვანელე. ჩემი ერთ-ერთი უსაყვარლესი მოდელი Maserati Ghibli გახლავთ.
- თქვენი აზრით, რომელი იყო გასული წლის სამი საუკეთესო ავტომობილი დიზაინის თვალსაზრისით?
- ჟენევაში Range Rover Velar-მა მაგრად გამაოცა. ასევე ძალიან მომეწონა VW Arteon და Renault Alpine. ვფიქრობ, რომ დიზაინის თვალსაზრისით ძალიან მაგარ ფორმაშია ”ვოლვო”.
ასევე იხილეთ:
კია უკვე აუდის უტევს!
Kia Stinger Audi S5-ის წინააღმდეგ