ლამაზი ქალი და ახალი ავტო ერთმანეთს ავსებენ და რაც მთავარია, პოტენციურ მყიდველს სურვილების მორევში ითრევენ. ალბათ არცთუ იშვიათად, მომავალი მყიდველი სწორედ შოუზე, ლამაზმანის გვერდით მდგარი (ან პირიქით) ავტომობილის სასარგებლოდ აკეთებს არჩევანს.
მაგრამ 60-70-იან წლებამდე, ქალი და მანქანა, რეკლამებში და სარეკლამო აქციებში, ერთად იშვიათად ჩნდებოდნენ. ყოველ შემთხვევაში,
იხილეთ ფოტოგალერეა:
ავტოშოუს გოგონები ნახევარი საუკუნის წინ
მიჩნულია, რომ ავტომობილების სარეკლამო ბიზნესში ქალის როლი პირველმა მარჯერი კრევსკიმ ჩართო. ის ნიუ იორკის ერთ-ერთი სავაჭრო ცენტრის სამოდელო სახლში მუშაობდა. ერთხელ ნიუ იორკში გამართულ ავტოშუს დაესწრო და აღმოაჩინა, რომ ახალი ავტომობილების სიმრავლის მიუხედავად, ეს საკმაოდ მოსაწყენი სანახაობა იყო. წარმოდგენას აკლდა გლამური და სექსუალურობა. კრევსკი მაშინვე მიხვდა, რომ ავტომობილს ლამაზი ქალი სხვაგვარად წარმოაჩენდა და ეს კომბინაცია უფრო მეტ მნახველს მიიზიდავდა.
კრევსკიმ სწრაფად მოქმედება გადაწყვიტა. მან ჩამოაყალიბა სააგენტო Productions Plus, რომლის მთავარი დანიშნულება, ავტო შოუებზე ავტომობილების რეკლამებში მონაწილეობა გახდა. მან დაიწყო მოდელების აყვანა. მათ ასწავლიდნენ, როგორ უნდა დაეჭირათ თავის ავტომობილის გვერდით. კრევსკიმ აქცენტი სექსუალობასა და თამამ სამოსზე გააკეთა. მან ავტომობილის რეკლამირებისას, ქალის მონაწილეობის სპეცალური მეთოდიკაც შეიმუშავა.
იხილეთ ფოტოგალერეა:
ლამბორგინის გოგონები
და გასაკვირი სულაც არაა, რომ კრევსკის კომპანიას, ავტომობილების რეკლამირების სფეროში დღეს წამყვანი როლი უკავია. მისი სააგენტო შეერთებულ შტატებსა და მთელს მსოფლიოში (პარიზი, ფრანკფურტი, ჟენევა და სხვა) ყველაზე პოპულარული ავტო გამოფენების უცვლელი მონაწილეა. მის კლიენტებს შორის არიან ისეთი კომპანიები, როგორებიცაა: „პორშე“, „ნისანი“, „ლექსუსი“, „ტოიოტა“, „ჯენერალ მოტორსი“ და სხვები.
იხილეთ ფოტოგალერეა:
ლექსუსი და ულამაზესი ტოპ-მოდელი
კრევსკიმ თავის საქმიანობას წიგნიც მიუძღვნა - „ქრომირებული იასამანები: ავტო შოუს მოდელების აღუწერელი ხიბლი“. ამჟამად მის სააგენტოს 484 მუდმივი მოდელი ჰყავს, რომლებსაც კრევსკი „პროდუქციის დახვეწილ სპეციალისტებს“ უწოდებს. გარდა ამისა, საჭიროების შემთხვევაში, დაახლოებით 200 სხვა „სპეციალისტის“ მოწვევა მოკლევადიანი კონტრაქტებითაც შეუძლია.
იხილეთ ფოტოგალრეა:
პარიზის ავტოშოუს ლამაზმანები