მამაკაცებო, ყურადღებით! ბრიტანელმა მეცნიერმა კვლევის შედეგად დაადგინა, რომ სპორტული ავტომობილის ძრავის ხმა ქალს სექსუალურად აღაგზნებს - თანაც, გაცილებით სწრაფად და ძლიერად, ვიდრე მამაკაცს! ამის შესახებ ბრიტანული გაზეთი ”ტელეგრაფი” წერს.

ფსიქოლოგმა დევიდ მოქსონმა ექსპერიმენტისთვის 40 მამაკაცი და 40 ქალი მიიწვია, თითოეულ მათგანს ”მაზერატის” და ”ლამბორგინის” ძრავის ხმა მოასმენინა და შეეცადა, გაერკვია, რა ოდენობით გამოყოფდა მათი ორგანიზმი ამ დროს ჰორმონ ტესტოსტერონს, რომელიც სექსუალური აგზნებისას გამოიყოფა.

მოქსონის თქმით, ქალბატონების შემთხვევაში ”მაზერატის” ძრავის ხმის სმენისას ტესტოსტერონის გამოყოფა მნიშვნელოვნად გაიზარდა, თანაც, 100-პროცენტიანი შედეგით. მამაკაცების შემთხვევაში კი, ”ლამბორგინის” ძრავის ხმის სმენისას ტესტოსტერონის გამოყოფამ 60 პროცენტში იმატა.

მოქსონმა, შედარებისთვის, ქალბატონებს და მამაკაცებს ”მაზერატისა” და ”ლამბოს” შემდეგ ”ფოლკსვაგენ პოლოს” ძრავის ხმაც მოასმენინა და ტესტოსტერონის გამოყოფის მაჩვენებელი მაშინვე ყველა მათგანში მინიმუმამდე დაეცა. ასე რომ, მამაკაცებო, მოასმენინეთ თქვენთვის სასურველ ქალბატონებს ”მაზერატის” ხმა...


იხილეთ ვიდეო: აი, როგორი ხმა აქვს მაზერატის!