Changchun Faway Automobile Components, რომელიც არის საავტომობილო კომპონენტების ერთ-ერთი მიმწოდებელი, გამოაცხადა, რომ Xiaomi-მ უკვე გადაწყვიტა თუ რა ღირდეს თავისი პირველი ავტომობილი. Xiaomi-ის საავტომობილო განყოფილება ამჟამად საქმიან მოლაპარაკებებს აწარმოებს რამდენიმე პარტნიორთან.

Xiaomi გეგმავს დამატებით ზაფხულისა და ზამთრის გამოცდების ჩატარებას წელს და ავტომობილს მომავალ წელს გვაჩვენებს. თუ ყველაფერი გეგმის მიხედვით წარიმართება, Xiaomi-ის პირველი ავტომობილი გზებზე მომავალი წლის ბოლომდე უნდა გამოვიდეს.

Xiaomi-ის მანქანის საწყისი ფასი, სავარაუდოდ, დაახლოებით $20,000 იქნება. საბაზო მოდელი აღჭურვილი იქნება ერთი ელექტროძრავით და უკანა ამძრავით. ის უზრუნველყოფს 800 კილომეტრის დისტანციას ერთი დამუხტვით და დიდ აქცენტს გააკეთებს სმარტფონებთან ღრმა ინტეგრაციის ტექნოლოგიაზე. მოსალოდნელია Android Auto-ს მხარდაჭერა, მაგრამ ასევე არის შესაძლებლობა, რომ ჩინურმა ტექნოლოგიურმა კომპანიამ შეიმუშაოს საკუთარი სისტემა სმარტფონების ეკრანის მანქანის ეკრანზე ასახვისთვის.

კომპანია ასევე გეგმავს Xiaomi-ის მანქანის Pro ვერსიის გამოშვებას ორი ელექტროძრავით, სრულამძრავიანი სისტემით და 700 კმ დისტანციით.