ელექტრო Mercedes-Maybach EQS SUV-ის ჩვენება 17 აპრილს გაიმართება.
Mercedes-Maybach EQS 680 SUV მსოფლიო პრემიერა შანხაის მოტორ შოუზე შედგება ჯერჯერობით არაფერია ცნობილი ტავად ავტომობილის შესახებ, გარდა ენერგიის მოხმარებისა კომბინირებული მართვის რეჟიმში. ამ ციფრებით თუ ვიმსჯელებთ, EQS 680 SUV-ის სიმძლავრე შედარებადი იქნება EQS 53 4Matic-თან.
უდავოა, რომ სიახლე ეფუძნება ჩვეულებრივ EQS SUV-ს. ის მიიღებს საკუთარ სახელწოდებას EQS 680 და კომბინირებულ რეჟიმში მოიხმარს 22,5-24,4 კილოვატ საათს ყოველ 100 კილომეტრზე. იგივე რაოდენობას მოიხმარს, მაგალითად, EQS 53 4Matic +, რომლის ორი ელექტროძრავა 658–761 ცხენის ძალას გამოიმუშავებს.
შანხაის საავტომობილო შოუზე პრემიერა ნიშნავს, რომ მერსედესი აგრძელებს ჩინეთის ბაზრის პრიორიტეტულად განხილვას. ამის ახსნა ძალიან მარტივია. ყოველთვიურად მხოლოდ ჩინეთში 600-700 Mercedes-Maybach S-კლასის სედანი იყიდება. გარდა ამისა, ელექტრომობილების პოპულარობა მაღალი ტემპით იზრდება - 2022 წელს მათი წილი მთლიან გაყიდვებში 22 პროცენტი, ანუ 4,35 მილიონი ერთეული იყო. ბაზრის თითქმის ნახევარი BYD-სა და SAIC-ს უკავია, დანარჩენზე კი სერიოზული ბრძოლაა ყველა მსხვილ მწარმოებელს შორის.