კომპანიამ BMW შუალედურად განაახლა ქროსოვერები X5 და X6. ორივე მოდელი გარეგნულად მცირედით განახლდა - შეიცვალა რადიატორის ცხაურა, ოპტიკა უფრო დაწვრილდა - სალონში კი ვხედავთ ახალ ციფრულ კლასტერს რომელიც მუშაობს სისტემაზე  iDrive 8.

უფრო სერიოზულად განახლდა ძრავების გამა, სადაც ახლა მხოლოდ ჰიბრიდებია, აქვთ 48-ვოლტიანი სტარტერ-გენერატორები, რომელიც სიმძლავრეს მცირე დანამატს აძლევს. ამასთან გაძლიერდა თავად ძრავებიც,  „ექვსიანის“ შემთხვევაში ზრდა არის 47 ცხენი და ჯამში აღწევს 380-ს, ამ მოცემულობით კი ადგილიდან 100-მდე 5,4 წამში ჩქარდება.



დიზელის მოდიფიკაციის შემთხვევაში xDrive30d-ს სიმძლავრე გაეზარდა 298 ცხენმადე, ხოლო აჩქარება შემცირდა 6,1 წამამდე. ტოპ ვერსიაში M60i-ში კი შეიცვალა არა მხოლოდ დასახელება, არამედ ძრავიც. მას სრულიად ახალი 4.4 ლიტრიანი V8 აგრეგატი აქვს , რომელიც 530 ცხენს იძლევა, რომელსაც ვიცნობთ მოდელისგან X7 M60i xDrive.

ჩართვადი ჰიბრიდი კი დაკომპლექტებულია წყვილი „ექვსიანით“ რომლის მოცულობა 3 ლიტრია და ელ-ძრავთან ერთად ჯამში 490 ცხენის ძალას გამოსცემს. ამ შემთხვევაში მატება 96 ცხენია და მას ადგილიდან 100-მდე აჩქარება 4,8 წამში შუძლია, უწინდებური 5,6-ის ნაცვლად. გაიზარდა ელემენტები ტევადობაც, რამაც საშუალება მისცა მხოლოდ ელემენტებზე 110 კმ მანძილი დაფაროს.



ორივე სიახლე ამერიკული ქარხნის კონვეიერზე აპრილიდან შედგება. X5-ის  ფასი ადგილობრივ ბაზარზე 65,200 დოლარიდან დაიწყება, ხოლო X6 73 900 დოლარიდან. ტოპ ვერსია X6 M60i კი 93,600 დოლარი ეღირება.