კომპანიამ Bugatti ოფიციალურად წარმოადგინა თავის კალსში ერთადერთი ჰიპერქარი - Chiron Profilée. მოდელ Chiron-ის ოჯახის კიდევ ერთი წევრი გამორჩეულია განსაკუთრებული დიზაინით და შეფუთვით და ამავდროუალდ ის გახლავთ ერთ-ერთი უკანასკნელი Bugatti W16 ძრავით. ავტომობილი ჯერაც არ გაუყიდიათ და ის RM Sotheby's აუქციონზე 1 თებერვალს იპოვის მფლობელს. ამბობენ რომ ავტომობილი 10 მილიონ დოლარამდე გაიყიდება და შემოსული თანხა ქველმოქმედებას მოხმარდება.

როგორც ცნობილია ვერსია Chiron Pur Sport კომპანიამ 2020 წელს წარმოადგინა და ის უმალვე გაიყიდა. კლიენტები კი ითხოვდნენ ასევე სპორტულს თუმცა უფრო ელეგანტურ და ნაკლებად ჰარდკორულ ვერსიას. ასე გაჩნდა Profilée. კომპანიას გაცხადებული ჰქონდა, რომ Chiron-ის სხვადასხვა ვარიანტების მხოლოდ 500 ეგზემპლარს გამოსცემდა, თუმცა Profilée გახდა 501-ე Chiron და ასე გახდა ერთადერთ ეგზემპლარად გამოცემულ ავტომობილად.



ჰიპერქარისთვის შეიმუშავეს ძარას გამორჩეული ფერი Argent Atlantique, ხოლო ქვედა ნაწილი ნაშირბოჭკოთი შემოსეს. ასევე უნიკალურია ბრობლები. Profilée არის პირველი მოდელი რომლის სალონში ვხედავთ განსაკუთრებულ ტყავის მასალას, ის გამოყენებულია, მართვის პანელზე, კარის პანელებზე და ცენტრალურ კონსოლზე.

ის მოქმედებაში მოჰყავს 1500-ძალიან W16-ს. მას ადგილიდან 100-მდე აჩქარება 2,3 წამში შეუძლია, ხოლო 200-მდე 5,5 წამში. მისი მაქსიმალური სიჩქარე 380 კმ/სთ-ია, მაშინ როცა  Chiron Pur Sport-ს 350 აქვს.