Mercedes-Benz-მა გახსნა შეკვეთების წიგნი ბრენდის ყველაზე მოდური მოდელისთვის Mercedes-Maybach S-Class Haute Voiture. Maybach-ის ამ სპეც-სერიის დებიუტი დუბაიში ვიხილეთ და ის დაფუძნებულია ვერსიაზე S 680 4Matic, თუცმა გამორჩეულია უნიკლური გაფორმებით როგორც ექსტერიერში ასევე ინტერიერში. სალონის გაფორმებისთვის აქ გამოყენებულია პერფორირებული ტყავი და ბუკლეს ქსოვილი ორიგინალური ნახატით, იატაკი და კარის რუკები კი შესრულებულია ბეწვისგან და მოჰერისგან.

სერიული Mercedes-Maybach S-Class Haute Voiture პრაქტიკულად ერთი-ერთში იმეორებს შვიდი თვის წინ წარმოდგენილ კონცეპტს. შეკვეთების მიღებამდე მწარმოებელმა ლიმუზინების ტირაჟი გაგვიმხილა და ასევე ტექნიკური ნაწილი, რომ ის გაიმეორებს S 680 4Matic-ს, რომელიც V12 ძრავითაა აღჭურვილი. ის მხოლოდ 150 ეგზემპლარად გამოვა.

მოდელის სამიზნე აუდიტორია გახლავთ ახლო აღმოსავლეთი, თუმცა გაიყიდება შტატებშიც. ფასს კი 2023 წლის პირველ კვარტალში გამოაცხადებენ, სავარაუდოდ ის უფრო ძვირი იქნება 229 ათასდოლარიან Mercedes-Maybach S 680 4Matic-ზე.