Bugatti-ს ახალ ჰიპერქარს "სრულიად არანორმალური" ახალი ძრავით აღჭურვავენ, ამის შესახებ კომპანია Bugatti Rimac-ის დირექტორმა მათე რიმაცმა Auto Express-თან ინტერვიუში განაცხადა. ხორვატმა ნოვატორმა და ბიზნესმენმა დაადასტურა, რომ Chiron-ის მემკვიდრეს არ ექნება არაფერი საერთო Bugatti წინა მოდელებთან და Rimac Nevera-სთან და მასზე მუშაობა ნულიდან იწყება.

ახალი ჰიპერქარის პრეზენტაციას 2024 წელს ველოდებით, თუმცა მიწოდება ალბათ ოდნავ დაგვიანდება.

ინტერვიუში რიმაცმა გაგვახსენა, რომ  Volkswagen-ის კონცერნს ჰქონდა მოვლენათა განვითარების რამდენიმე ვარიანტი. მაგალითად ისინი ან უნდა დამშვიდობებოდნენ Bugatti-ს ან ის სხვისთვის უნდა მიეცათ, თუმცა ახალაგზრდა ტოპ-მენეჯრმა შეძლო მოლაპარაკება Bugatti და Rimac-ის შერწყმაზე, იმიტომ რომ ხორვატს ჰქონდა მკაფიო გეგმა, თუ როგორი იქნებოდა Chiron-ის მემკვიდრე.

სუპერქროსოვერის გეგმაზე რიმაცმა უარი ეგრევე თქვა და მხოლოდ ჰიპერქარზე კოცნენტრირდა. ის გვპირდება რომ სიახლე გახდება არისტოკრატიული პერფექციონიზმი ფრანგული ბრენდისთვის, ხოლო მისი გული იქნება ჰიბრიდული. ძრავზე მუშაობა უკვე 2 წელია მიმდინარეობს და ჯამში გამოვა რომ მხოლოდ ძალისმიერ მწყობაზე დაიხარჯება შემუშავების 5 წელი.

რიმაცის თქმით Chiron-ის მემვკიდრე შეძლებს ავტობანზე 400-ზე მეტი სიცქარით გადაადგილებას, თუმცა ამავდროულად იქნება საკმაოდ კომფორტული, ისე რომ ოპერაშიც კი წახვალთ. სხვა მახასიათებლებზე ინფორმაცია ამ ეტაპზე უცნობია