კომპანია Porsche მოულოდნელად გაულიდერდა ყველაზე არასანდო საავტომობილო ბრენდების რეიტინგს, რომელიც შეადგინა ბრიტანულმა კომპანიამ Warrantywise. აღნიშნული კომპანია გაფართოვებული გარანტიების მომსახურებას ეწევა და მან იმ საავტომობილო ბრენდების საკუთარი რეიტინგი წარმოადგინა რომელთა მოდელები ყველაზე ხშირად ხვდებიან არაგეგმიურ რემონტზე.

დიდი სხვაობით აღნიშნული რეიტინგის ლიდერი გახდა Porsche, სულ კი ათეულში მოხვდა 9 ევროპული ბრენდი — Land Rover, Jaguar, Alfa Romeo, Audi, BMW, Mercedes-Benz, Vauxhall და Volvo და ერთიც  აზიური - Mitsubishi.

Warrantywise-მა რეიტინგი საკუთარი ქულათა სისტემის მეთოდით შეადგინა, თუმცა აქვეა კიდევ ერთი შკალა, რომელიც ზომავს რემონტის ფასს. აქ ლიდერები გახდნენ Land Rover და Mercedes-Benz, რომელთა არაგეგმიური რემონტი ძალიან ძვირი ჯდება. ასევე საკმაოდ ძვირიანია Audi, BMW და Jaguar-ის ავტომობილების მოსმახურება.

ყველაზე ნაკლებად Warrantywise-ის გაფართოვებული გარანტიებით აზიური ბრენდები სარგებლობენ, ამასთან მათი გარემონტება ევროპულ პრემიუმ ბრენდებთან შედარებით ბევრად იაფია.