ჩინეთის ინფორმაციისა და მრეწველობის სამინისტროს ბაზაში გავრცელდა ფოტოები BMW-ს ახალი ელექტრო სედანის.
როგორც ჩანს ცისქვეშეთში მოდელი მიიღებს ნაცნობ ინდექსს i3, თუმცა აქ საუბარი არ არის ამ სახელის მქონე გლობალურ ჰეჩბეკზე, არამედ ეს ინდექსი ერგება ახალ ელექტრო სედანს, უფრო კონკრეტულად კი მესამე სერიის მოდელის ელექტრო ვერსიას.
გავრცელებულ ფოტოზე ჩანს მესამე სერიის მოდელის დაგრძელებული ვერსია. BMW i3 eDrive35 L სათვლე ბაზა 2966 მმ-ია, რაც მთელი 115 მმ-ით მეტია გრძელტანიან შიგაწვისძრავიან მოდელზე. მისი ინტერიერის ფოტო არ გავრცელებულა, თუმცა მაღალი ალბათობით ის გაიმეორებს მოდელს i4.
გლობალურ ბაზარზე i3 სახელს უწინდებურად აატრებს ელექტრო ჰეჩბეკი. მას ლაიპციგის ქარხანაში უკვე წლებია აწარმოებენ და გეგმის თანახმად ეს პროცესი გაგრძელდება 2024 წლამდეც, ხოლო მემკვიდრეზე არაფერი თქმულა, შესაბამისად მოსალოდნელია, რომ ამ სახელის ქვეშ 2024 წლიდან არა ჰეჩბეკი არამედ ელექტრო სედანი გამოვა.