ერთ-ერთ ინტერნეტსაიტზე გასაყიდად გამოტანილია იშვიათი მოდელი ВАЗ-2104, რომელიც მფლობელის განცხადებით, 2001 წელსაა წარმოებული და ამ დრომდე მხოლოდ 66 ათასი კმ მანძილი აქვს გავლილი. მისივე ინფორმაციით, ეს დიზელის „ოთხიანი“ 100 კმ-ზე 6 ლიტრ საწვავს მოიხმარს.

აღსანიშნავია, რომ «АвтоВАЗ»-მა საკუთარი წარმოების დიზელის ძრავზე მუშაობა 80-იან წლებში დაიწყო. უკვე პირველი საჩვენებელი მოდელი გაჩნდა შუა წლებში და ეს ძრავი მოირგო 2103-მმა. ეს იყო 1,45 ლიტრიანი ძრავი 55 ცხენის ძალით.

1988 წელს მან წარმატებით გაიარა ტესტი, თუმცა სერიულ წარმოებამდე ვერ მივიდა, უფრო იმიტომ, რომ არ ჰქონდა სახელმწიფოსგან მხარდაჭერა. მხოლოდ 1999 წელს დაიწყო АвтоВАЗ-მა მცირე სერიით მისი წარმოება ბარნაულის ქარხანაში.

დიზელის „ოთხიანი“ სულ ხუთი წელი გამოდიოდა და 2004 წელს მისი წარმოება შეწყდა. სულ, ჯამში გამოვიდა 6 ათასი ასეთძრავიანი „ჟიგული“. ამ დროისთვის რამდენი მათგანი დარჩა ამ უნივერსალის, უცნობია. თუმცა ერთ-ერთ მათგანში გამყიდველი 85 ათას რუბლს ითხოვს.