BMW-მ ახალი მესამე სერიის უნივერსალი ვარიანტი ოფიციალურად წარმოადგინა. 3 Series Touring მყიდველს სალონის დონის დინამიკურობას და კომფორტს ჰპირდება.

უნივერსალის გაყიდვები სექტემბრის მეორე ნახევარში დაიწყება და ის ხელმისაწვდომი იქნება დიზელისა და ბენზინის რამდენიმე, ასევე ჰიბრიდული ვარიანტით. ყველა მოდელი რვასაფეხურიანი ავტომატიკით აღიჭურვება, მექანიკა ოპციის სახითაც არ არის გათვალისწინებული.

კომპანიის პროდუქციის მენეჯერის განცხადებით, სიახლე ბევრად უკეთესია, ვიდრე მისი წინამორბედი, ნაკლები წონის მიზიდულობის ცენტრის დადაბლებისა და უკეთესი დაკიდების სისტემის წყალობით.

ის 17-19 ინჩიანი ბორბლებითა და სრული-LED ოპტიკით გამოვა. რაც შეეხება ზომებს, ის 4709 მმ სიგრძისაა და 76 მმ-ით გრძელია წინამორბედ მოდელზე, ის ასევე 11 მმ-ით მაღალი და 16 მმ-ით განიერია. შედეგად კი, გაიზარდა სივრცე მუხლებისა და თავისთვის. მისი საბარგული 500 ლიტრი მოცულობისაა, ხოლო სავარძლების დაკეცვის შემთხვევაში ის 1510 ლიტრამდე იზრდება.

ფასი ჯერ არ დაზუსტებულა, თუმცა ის სავარაუდოდ 35 ათასი ევროდან დაიწყება.