ეს Mercedes 190 E 2.3 (W 201), რომელსაც თავის დროზე მოფერებით "Baby Benz"-ს ეძახდნენ, ჰამბურგში გასაყიდად არის გამზადებული და მისი საწყისი ფასი 49,900 ევროა. ეს ალბათ ძალიან ძვირად მოგეჩვენებათ 1986 წელს გამოშვებული ავტომობილისთვის, მაგრამ ის ნამდვილად ძვირფასი შენაძენი იქნება მისი მყიდველისთვის. გარდა იმისა, რომ მას ძალიან ცოტა აქვს გავლილი, ის ისეთ ავტოფარეხში იდგა, რომელიც ნიავდებოდა და ამიტომ ნესტის პრობლემა არ უდგას.
ეს პატარა Mercedes-ის სედანი იმ დროისთვის არსებული ყველა საჭირო ატრიბუტიკით არის აღჭურვილი, ესაა: ავტომატური გაგრილების სისტემა, პანორმაული ელექტრონულად მართვადი სახურავი, ელექტროშუშები, კრუიზკონტროლი და Becker-ის აუდიო სისტემა Grand Prix.
"კაპოტის" ქვეშ 2,3 ლიტრიანი ოთხცილინდრიანი 132 ცხენისძალიანი ბენზინის ძრავი დგას, რომელიც დაწყვილებულია ოთხსაფეხურიან ავტომატურ გადაცემათა კოლოფთან.
