ბრენდის პირველი ნაწარმი Tesla Model 3-ის პირდაპირ კონკურენტად მოიაზრება. მისი პრეზენტაცია კომპანიამ სინგაპურში გამართა. და როგორც აცხადებენ, მას ერთჯერადი დამუხტვით სტანდარტულ ვარიანტში 400, ხოლო მძლავრ ვარიანტში 500 კმ მანძილის დაფარვა შეუძლია. საბაზისო ვარიანტი 51,9 კვს ელემენტებითაა დაკომპლექტებული, ხოლო მძლავრი – 61,9 კვს სიმძლავრის ელემენტებით. ორივე მათგანი ჩინური კომპანია CATL-ის წარმოებისაა. მისი დამუხტვა 80%-მდეა შესაძლებელი ჩვეულებრივი ელსადენით სულ რაღაც ნახევარ საათში.
შედარებისთვის, Model 3-ის ყველაზე მძლავრი ვარიანტი 75
Geometry-ის მამოძრავებელია სინქრონიზებული ძრავი, რომელიც ჯამში 161 ცხენის ძალას იძლევა და 0-დან 100-მდე 8,8 წამში ჩქარდება. კომპანიის განცხადებით, ის თავის კლასში ყველაზე უსაფრთხო ავტომობილი იქნება.
კომპანიის განცხადებით, მათი ღირებულება 30,000 დოლარიდან დაიწყება. კომპანიას ამ ავტომობილზე უკვე აქვს 27,000 შეკვეთა, რომელთა 67% ჩინეთის ფარგლებს გარეთაა და ძირითადად ნორვეგიიდან, საფრანგეთიდან და სინგაპურიდან არიან მყიდველები.
Geely-ის გეგმით, კომპანია 2025 წლამდე Geometry-ის ბრენდის ქვეშ 10 სრულიად ახალი ელექტრომოდელის წარმოებას გეგმავს. შეგახსენებთ, Geely-ის ჯგუფში შედიან საავტომობილო ბრენდები: Geely, LEVC, Lotus, Lynk&Co, Polestar, Proton, Smart და Volvo.