როგორც გამოცემა წერს, ყოველწლიურად ახალი ავტომობილების ფასი იზრდება, ამის მაგალითად კი ამერიკის ბაზარი მოჰყავს, სადაც თებერვალში ახალი ავტომობილის საშუალო ფასმა შეადგინა 36,500 დოლარი. ეს კი ერთი წლის წინანდელ მონაცემზე 1,000 დოლარით მეტია.
სწორედ ამიტომ, გავლენიანი გამოცემა მძღოლებს რამდენიმე რჩევას აძლევს:
1. მიჰყევით მწარმოებლის ინსტრუქციას. ავტომფლობელებმა ყოველწლიურად უნდა გაიარონ ტექნიკური შემოწმება, გააკონტროლონ ხუნდებისა და სითხის მდგომარეობა. ხოლო ყოველ 25,000
2. საბურავის წნევა: რეგულარულად შეამოწმეთ წნევა საბურავში და ეცადეთ, ის მუდმივად ოპტიმალურ დონეზე იყოს. ამის გაკეთებას გირჩევთ თვეში ერთხელ. ეს აგარიდებთ ნაადრევად ცვეთას.
3. დარწმუნდით, რომ მცირე ხარვეზები მოგვარებული გაქვთ. უმნიშვნელო პრობლემების შემჩნევისას ის აუცილებლად უნდა მოაგვაროთ იმისთვის, რომ თავიდან ავირიდოთ შემდგომი გართულებები. ჯობია პრობლემა მალევე მოგვარდეს, ვიდრე მან სხვა, დიდი პრობლემები წარმოშვას.
4. ხშირად ჩაატარეთ ვიზაულური ინსპექტირება უბრალოდ, მისი წრიულად შეთვალიერებით და ასევე, ძრავის ნაწილში. ასე შეგიძლიათ ნახოთ, ჟონავს თუ არა სადმე რაიმე ტიპის სითხე.
5. იყავით უფრო მომთმენი, როცა თქვენი ავტომობილი ცივია. ავტომობილის ნელა ტარება დილით, როცა თქვენი ავტო არ არის გახურებული, უფრო უკეთესად დაიცავს თქვენს ძრავს, ვიდრე უმალ სატერფულზე დაწოლა. მიეცით დრო, გახურდეს. ეს აუცილებელია, განსაკუთრებით, ცივ ამინდში.
6. ნუ ატარებთ გიჟივით. აგრესიული და ჩქარი ტარება ზრდის საწვავის მოხმარებას და ამავდროულად, ხელს უწყობს საბურავებისა და ხუნდების ცვეთას. ასევე, ის ვნებს გადაცემათა კოლოფს.
7. ზამთარში აუცილებლად გარეცხეთ გულდასმით ავტომობილი ტექნიკურ მარილდაყრილ გზაზე ტარების შემდეგ. ის შეაჩერებს ჟანგვის პროცესს, რომელსაც იწვევს ეს მარილი.
