“პეჟოს“ ოფიციალური იმპორტიორი საქართველოში, კომპანია „ლიონ ავტო“, თბილისობის ფარგლებში გამართულ ავტოშოუზე ერთ-ერთ პოპულარულ მოდელს, Peugeot 2008-ს წარადგენს.

ავტოშოუ, რომელსაც მერიის მხარდაჭერით, ტრადიციულად, ჟურნალი „AUTO BILD საქართველო“ ატარებს, შაბათს, 15 ოქტომბერს, 12-დან 18 საათამდე, მეტეხის ხიდზე გაიმართება.

ქროსოვერი Peugeot 2008, რომელიც ფრანგულმა კომპანიამ პირველად 2013 წელს წარადგინა, უკვე ხელმისაწვდომია ქართველი ავტომოყვარულთათვის. საქართველოში აღნიშნული მოდელი ევრო-5 სტანდარტის 1.6-ლიტრიანი (სიმძლავრე: 120 ც. ძ.) ბენზინის ძრავით არის აღჭურვილი და ხელმისაწვდომია როგორც მექანიკური, ისე ავტომატური გადაცემათა კოლოფით. დინამიური, ორიგინალური დიზაინის მქონე, კომფორტული და ყველა თანამედროვე პასიური და აქტიური უსაფრთხოების სისტემებით აღჭურვილი Peugeot 2008 განსაკუთრებით მოეწონებათ აქტიური ცხოვრების წესით მცხოვრებ ადამიანებს.



Peugeot-ს ოფიციალური იმპორტიორი საქართველოში კომპანია „ლიონ ავტოა“. სს „ლიონ ავტო“ 2016 წელს შემოვიდა ბაზარზე, როგორც „პეჟოს“ ოფიციალური იმპორტიორი საქართველოში და მომხმარებელს სთავაზობს როგორც მსუბუქ, ასევე კომერციულ მოდელებს - 208, 2008, 301, 308, 3008, 508, Partner, Expert, Boxer. აგრეთვე ფუნქციონირებს სრულად აღჭურვილი სერვის ცენტრი, სადაც ტექნიკურ მომსახურებასთან ერთად, ხელმისაწვდომია ორიგინალი სათადარიგო ნაწილები.

მის: ჯორჯ ბალანჩინის 36
ტელ: 032 2 508 308
www.facebook.com/PeugeotGeo

ასევე იხილეთ:
პეჟოს მარკის ყველა ავტომობილის პირველი დიაგნოსტიკა უფასოა!

გაიცანით: ახალი Peugeot 3008