აბსოლუტურად თანამედროვ შოურუმი, მოწესრიგებული ინფრასტრუქტურა და, რაც მთავარია, მართლაც ძალიან საინტერესო ავტომობილები, ისეთები, როგორებითაც ჩვენი მამები, პაპები და პაპის პაპები დადიოდნენ - თუ მუზეუმს ესტუმრებით, მანქანების დათვალიერების პროცესი იმდენად გაგიტაცებთ, რომ ისე დაგიღამდებათ, ვერც შეამჩნევთ.
გაზ 13 ”ჩაიკა”
”ჩაიკა” გაზ-13-ზე, ამ პრესტიჟულ სედანზე მუშაობა გორკის მანქანათმშენებელ ქარხანაში
დასახული მიზნის განხორციელება გორკის ავტომშენებბელმა ქარხანამ ჩაფიქრებული გაზ-13 ის უცხოური ანალოგის შესწავლით დაიწყო. ეს ანალოგი დიდებული ამერიკული სედანი, ”პაკარდ კარიბიენი” გახლდათ, რომლის ერთი ეგზემპლიარიც გადაწყვეტილების მიღებიდან ძალიან მალე, გორკის მანქანათმშენებელი ქარხნის სახელოსნოში შესასწავლად დააყენეს. კონვეირიდან გადმოსულმა პირველივე ”ჩაიკამ” კი, 1958 წელს, საკმაოდ პრესტიჟული, ბრიუსელის საერთაშორისო გამოფენის ”გრანპრი” დაიმსახურა.
მერე და მერე გამოვიდა ,,ჩაიკა’’ გაზ-13 ის მოდიფიცირებული რამდენიმე მოდელიც. ჯერ გაზ 13 ა, რომლის ძირითადი განმასხვავებელი ნიშანი მძღოლსა და მგზავრს შორის გამყოფი შუშა გახლდათ, შემდეგ კი გაზ-15ა - კაბრიოლეტი, რომლის რბილი სახურავიც ელექტრონულად იღებოდა და იხურებოდა, მძღოლის ნების მიხედვით.
1961 წელს გორკის ავტოქარხანამ კიდევ უფრო მოდერნიზებული ,,ჩაიკა’’ გაზ 13ც გამოუშვა. ეს გახლდათ ოთხფარიანი ავტომანქანა რადიატორის განსხვავებული გრილით, ვამპერებით, უკეთესი ინტერიერით, მაგრამ სერიულ წარმოებაში ის მოდელი არ ჩაშვებულა.
თავისი ტექნიკური მონაცემებით გაზ-13 მართლაც აღემატებოდა მანამდე საბჭოთა კავშირის ქარხნებში წარმოებულ ყველა მსუბუქ ავტომანქანას და დღესაც იმსახურებს აღტაცებას.
მოდელი |
გაზ-13 ჩაიკა |
გამოშვების წელი |
1959-1981 |
მწარმოებელი |
გორკის ავტომშენებელი ქარხანა |
ტიპი |
სედანი |
წონა |
2100კგ |
ზომები |
5526/2000/1620 მმ |
ძრავი |
8 ცილინდრი, 5526 სმ3 |
ტვირთამწეობა |
500კგ |
სიჩქარე |
160კმ/სთ |
გადაცემათა კოლოფი |
3-საფეხურიანი ავტომატიკა |
ავზის მოცულობა |
80 ლიტრი |
საწვავის ხარჯი |
21 ლ /100 კმ-ზე |
სიმძლავრე |
195 ცხენის ძალა |
თბილისის ავტომუზეუმში სიახლეა: ნებისმიერ მსურველს შეუძლია, ნებისმიერი ანტიკვარული ავტომობილი სასურველი დროით დაიქირავოს. მაგალითად, ამ ”ჩაიკას” დაქირავება ერთი საათით 300 ლარი ღირს, ორი საათით - 450 ლარი, სამი საათით - 550 ლარი, ოთხი საათით - 600 ლარი, ხუთი საათით - 650 ლარი, ხოლო ექვსი საათით კი - 700 ლარი.
საკონტაქტო ინფორმაცია
მისამართი: ავტომუზეუმის ქუჩა 7 - ისანი-სამგორის რაიონი, შესახვევი ყოფილი კაიროს (ლორთქიფანიძის) ქუჩიდან.
ტელეფონი: +995 595 08 08 67; +995 597 05 75 70.
მუზეუმი მუშაობს ყოველ დღე ორშაბათის გარდა 11:00-დან 17:00- საათამდე
იხილეთ ვიდეო: გაზ-13 ჩაიკა