რა თქმა უნდა, ცნობილი ავტომრბოლელი სიჩქარეს არ გადააჭარბებს და წესების მიხედვით, ჯერ 15კმ/სთ-ით იმოძრავებს, შემდეგ კი ნელ-ნელა გაზრდის სიჩქარეს, მაგრამ 30კმ/სთ-ს არ გასცდება. აღსანიშნავია, რომ ფინიშ-მანქანის მზღვეველია სადაზღვეო კომპანია "კოპენბური". სხვათშორის, დიდ ბრიტანეთში ფინიშის მანქანის
- მევლუდ, თქვენთვის ალბათ ძალიან რთული იქნება მანქანით ასე ნელა მოძრაობა. დაუფიქრებლად დათანხმდით ამ შემოთავაზებაზე?
მევლუდ მელაძე: როგორც კი, მითხრეს რომ საჭესთან უნდა დავჯდე დაუფიქრებლად დავთანხმდი, რადგან ჩემთვის საჭესთან ჯდომა მთავარი სიამოვნებაა, მაგრამ მერე გავიგე სიჩქარის შესახებ და მივხვდი, რომ შარში ვარ... ჩემთვის ეს ყველაზე რთული გამოცდა იქნება და ყველაზე კარგი ვარჯიში ჩემი ნერვული სისტემისთვის. კარგია, რომ ავტომობილი GPS სისტემითაა აღჭურვილი და არ მომცემს დარღვევის უფლებას. შესაბამისად, ჩვენ მორბენლებსაც გამარჯვების შანსი ექნებათ.
- გული ხომ არ გწყდებათ, რომ არ დარბიხართ?
მევლუდ მელაძე: სანამ გავიგებდი, რომ საჭესთან მომიწევდა ჯდომა, აქტიურად დავიწყე ვარჯიში სირბილში ჩვენ ავტოდრომზე. როგორც იცით, ავტოდრომი 4100 მეტრია და იდეალურია სავარჯიშოდ. სერიოზული ამბიცია მქონდა, რომ წინა რიგებში ვყოფილიყავი. ამიტომ, ცოტა გული მწყდება. მაგრამ საჭესთან ჯდომა იოლად უმკურნალებს ჩემს გულის წყვეტას.
- რა არის თქვენთვის მსოფლიო რბენა? რატომ არის მნიშვნელოვანი საქართველოს ჩართულობა ამ ღონისძიებაში?
მევლუდ მელაძე: ეს არის მაგალითი იმისა, თუ როგორ შეუძლია გლობალურ ერთობას, ერთი იდეით გაერთიანებულ ადამიანების ჯგუფს, შეცვალოს სამყარო უკეთესობისკენ. სასიამოვნოა იმის შეგრძნება, რომ ერთ დღეს ნახევარი პლანეტა ერთი და იგივეს, ერთი საქმისთვის აკეთებს. ამ მარათონმა უკვე ბევრი ადამიანის ცხოვრება შეცვალა და კიდევ ბევრს შეცვლის. ამიტომ ჩვენ კვლავ გავაგრძელებთ სირბილს მათთვის, ვისაც ეს არ შეუძლია.
- როგორ ფიქრობთ, მერამდენე კილომეტრზე დაიჭერთ უკანასკნელ დარჩენილ მორბენალს?
მევლუდ მელაძე: რთული სათქმელია. ეს ბევრ რამეზეა დამოკიდებული. წელს მორბენლები გაცილებით უკეთ არიან მომზადებული და განწყობაც უფრო სპორტულია. ვნახოთ, რა იქნება...