სალონი ისეთია, როგორიც უგზოობის მოყვარულ ადამიანებს სჭირდებათ: არცთუ ისე კომფორტული, უგზოობაზე სვლისთვის საჭირო მაღალი სავარძლებით და უბრალო დეტალებით. ავტომობილის საბარგული არ არის გათვლილი დიდი რაოდენობის ტვირთის გადასაზიდად.
მფლობელები 3.3-ლიტრიან ბენზინის ძრავას გვირჩევენ. მექანიკური გადაცემათა კოლოფი უფრო ეკონომიურია და უგზოობის დროს, ავტომობილის უფრო კარგად ფლობის საშუალებას გვაძლევს. ძირითად პრობლემად მფლობელები დაკიდების სისტემას (რესორები) და ძრავის არაეკონომიურობას ასახელებენ.
X-terras სერვისი იაფი ნამდვილად არ არის. ხელოსნის მოძიება შეიძლება, თუმცა სანამ ავტომობილს ჩავაბარებთ უნდა დავრწმუნდეთ, რომ კარგი სპეციალისტია. ნაწილებს რაც შეეხება: შოვნის პრობლემა არ არის, თუმცა მფლობელების თქმით, ძირითადად ძვირია. ამ ნაკლს ავტომობილი თავისი ხარისხით ფარავს - X-terra-ს გაფუჭება არც ისე ადვილი საქმეა.
მოკლედ, ნისანის ყველგანმავალი იმ ადამიანებისთვის არის, ვისაც ხშირად უწევს უგზოობაზე სიარული და ავტომობილისგან კარგ გამავლობას და გამძლეობას ითხოვს. თავისი ფასით და ხარისხით X-terra ნამდვილად კარგი გადაწყვეტილებაა.
