BMW-მ ოფიციალურად დაადასტურა, რომ არ აპირებს 3 Series Gran Turismo მოდელის შემცვლელზე მუშაობას. აღნიშნული გადაწყვეტილება არის ნაწილი კომპანიის მიერ გამოცხადებული ხარჯების შემცირებისა, რომელიც 12 მილიარდით შეკვეცას გულსიხმობს.

უცნაური გარეგნობის მოდელი, რომელიც არც წარმოებისას გამოირჩეოდა ვიზუალური სილამაზით, თუმცა უფრო პრაქტიკული იყო ვიდრე სედანი, პირველად კომპანიამ 2013 წელს წარმოადგინა და მხოლოდ ერთ თაობაში აწარმოა, მისი შუალედური განახლებული ვარიანტი კი – 2016 წელს. 




როგორც ცნობილია, BMW-მ ახალი თაობის  3 Series სედანი წლის დასაწყისში წარმოადგინა და მისი უნივერსალური ვერსია მალე გამოვა. სედანის გაყიდვები მთელი მსოფლიოს მასშტაბით უკვე დაწყებულია.