გერმანული BMW მკაცრად მიჰყვება მის მიერ დასახულ გეგმას, რომელიც 2025 წლისათვის კომპანიის სამოდელო გამაში 25 მოდელის ელექტროფიცირებას ითვალსიწნებს აქედან 12 სრულიად ელექტროძრავიანი იქნება.

ამ გეგმის სადემონსტარციოდ კომპანიამ გადაწყვიტა ასევე გერმანულ Lufthansa Cargo-ს საშუალებით მსოფლიოს სხვადასხვა ქალაქებში ჩაიყვანოს კონცეპტუალური ელექტრომობილი Vision iNEXT,  რომელსაც მედიის წარმომადგენლებს აცნობს.



ასეთი ვიზიტი ცოტა ხნის წინ შედგა ნიუ-იორკში, სადაც პირველად გახდა ცნობილი თუ კონრკეტულად რას გეგმავს კომპანია 2025 წლამდე. კომპანიის განვითარების მენეჯერის კლაუს ფროლიჰის განცხადებით ბავარიელების გეგმით უახლოეს წლებში ელექტროფიცირებული ავტომობილების გაყიდვები გაზრდება.



„თქვენ შეგიძლიათ ნახოთ ჩვენი მონდომების ნაყოფი. უკვე 2017 წელს კომპანიამ მოახერხა 100,000 ელექტროფიცირებული ავტომოიბლის რეალიზება, წელს ეს ციფრი 140,000 იქნება და ჩვენი სტარტეგიის თანახმად ჩვენ ვართ ამ ბაზარზე ერთ-ერთი ლიდერი კომპანია მსოფლიოში. ამ ციფრის მეტად გაზრდას კი ნამდვიალდ ხელს შეუწყობს ჩვენი გეგმა, რომლის მიხედვითაც  2025 წლისთვის ჩვენს სამოდელო გამაში იქნება 25 ელექტროფიცირებული მოდელი , აქედან კი სულ ცოტა 12 სრულიად ელექტრო. ამჟამად ჩვენ უვკე ვასრულებთ მუშაობას ჩვენი მეხუთე თაობის ელექტროსისტემებსა და ელემენეტებზე“ - განაცხადა ფროლიჰმა


მას არ დაუკონკრეტებია კონკრეტულად რომელი მოდელების ელექტროფიცირება მოხდება, თუმცა ცნობილია, რომ სწორედ ამ მეხუთე თაობის სისტემის პლატფორმაზე დაიწყება კომპანიის ახალი ელექტრომობილების აწყობა. გეგმა ასევე ითვალსიწინებს ჰიბრიდული ავტომობილებისა და სრულაიდ ელექტრომობილების წარმოებას კომპანიის უკვე არსებულ  i ხაზის ქვეშ.