კომპანიამ Mercedes-Benz გაავრცელა 30-წამიანი ვიდეო, რომელშიც ელექტრო ქროსოვერ EQG-ის უჩვეულო ფუნქციის დემონსტრირებას ახდენს - კერძოდ ვიდეოში ჩანს როგორ ტრიალებს ავტომობილი ადგილზე, ისე როგორც ამას აკეთებს ტანკი. ამაში მას 4 ელექტროძრავი ეხმარება, რომლებიც ინდივიდუალურად იმართება. მათ ეძლევათ ბრძანება იტრიალონ ერთმანეთის საპირისპირო მიმართულებით, შედეგად კი ავტომობილი თითქოს ღერძის ირგვლივ ტრიალებს.

ამისთვის მას სივრცე სჭირდება. ეს ვიდეო ზუსტად ასეთ ადგილას ქვიშიან ზედაპირზეა გადაღებული.

ამ დროისთის ავტომობილი პრესერიული სტატუსითაა, თუმცა მასზე ცალკეული დეტალები ცნობილია, მაგალითად ის რომ ის აწყობილია კიბისებრ ძარაზე, ისევე როგორც შიგაწვისძრავიანი ვერსია. აქვს ანალოგიური დაკიდებს სისტემა და გაუჭრელი ხიდი უკან.

EQG მოქმედებაში მოჰყავს ოთხძრავიან სისტემას, თუცმა მისი ჯამური სიმძლავრე ჯერ უცნობია. ასევე უცნობია ის თუ როდის გახდება ავტომობილი სერიული.