გრანდიოზული 6-ცილინდრიანი ძრავა, ხისტი დაკიდება და სპორტული ძარა - BMW Z4 მეორად როსტერებში გამორჩეული მოდელია
BMW Z4 სახასიათო ავტომობილია. თუ მას ირჩევ, ესე იგი გართობა გიყვარს და უმეტესად კარგ ხასიათზე ხარ. Z4 საკმაოდ ძვირადღირებული მანქანაა, მაგრამ პირველი თაობის მეორადი მოდელების (E85, 2003-2008) 8 000 ევროდან იწყება, რაც ამ ავტომობილის ხელმისაწვდომობაზე მიუთითებს.
BMW Z4 პრაქტიკული ავტომობილი არაა, მაგრამ მფლობელს მართლაც იდეალურად გაართობს. ამისათვის აუცილებელია, რომ მისი ძალიან გრძელი კაპოტის ქვეშ შვიდი 6-ცილინდრიანი ძრავიდან (170-დან 343 ცხენის ძალამდე) ერთ-ერთი იმალებოდეს. არსებობს საბაზო ბენზინის
სამაგიეროდ, ამ აგრეგატის შემდგომი ვარიანტი უკვე ასი პროცენტით მისაღებია: ვგულისხმობთ 2.2i-ს, რომელსაც 170 ცხენის ძალა აქვს და მაღალ ბრუნებზე მუშაობა სიამოვნებს. ეს უკვე 6-ცილინდრიანი აგრეგატია, ყველაზე „სუსტი“ 6-ცილინდრიანებს შორის, მაგრამ გაცილებით მძლავრი ვარიანტების ყველა პლუსი აქვს და იმდენად მოხდენილი ხმა აქვს, რომ ამ ფენომენის დამფასებელი მუსიკას ხშირად გამორთავს, რათა ძრავის ხმას უსმინოს. ფაქტია, რომ BMW Z4-ს ამაზე მეტი ძრავა არ სჭირდება.
ფასის შკალის სათავეში 343-ცხენისძალიანი Z4 M-ია. ამ
უკანასკნელით აღჭურვილი ბოლო მოდელების ფასი 35 000 ევრომდეც კი ადის. კარგი ოფციაა Open-Air-პაკეტი - ერთი დაჭერა ღილაკზე, 10-წამიანი ლოდინი და ცისკენ მშვენიერი ხედი გაიშლება. 2006-2008 წლებში იწარმოებოდა Z4 Coupe-ც (დაახლოებით 16 000 ევრო).
ტესტ-დრაივი
ჩვენი სატესტო ავტომობილი გამომწვევი მეტალიკ-ფერით 7 წლისაა და 67 800 კილომეტრი აქვს გავლილი. ახალი BMW Z4 2.2i 6 ცილინდრიანი ძრავით, ტყავის სალონით, სავარძლების გათბობით ელექტროჰიდრავლიკური ჭერით 35 280 ევრო ღირს. ეს მეორადი ვარიანტი კი ჰამბურგში (www.autopark.de) 13 450 ევროდ იყიდება.
ჩვენი შთაბეYდილება BMW-ს მაშინდელ შეფ-დიზაინერ კრის ბანგლის გემოვნებაზე ბევრს დავობენ და დაე, იდავონ, Z4-ის შესაძლებლობებზე კი მოდით, ნუ ვიდავებთ. 6-ცილინდრიანის დაქოქვაც კი საკმარისია იმისათვის, რომ ავტომობილისტს თმები ყალყზე დაუდგეს. Z4 გართობის მოყვარული მძღოლებისთვის ერთ-ერთი საუკეთესო არჩევანია: მოხვევა, დამუხრუჭება, გადართვა, აჩქარება - ეს ყველაფერი მფლობელს გულისცემას აუჩქარებს. ამას ემატება ჯდომის ღრმა პოზიცია და გრძელი კაპოტის ხედი, რაც ერთობლიობაში სპორტული ავტომობილის გარემოს ქმნის. ძარაც შესაბამისია, დაკიდება - ხისტი. ასეც უნდა იყოს, რადგან სპორტული როდსტერისგან კომფორტს არავინ მოითხოვს. სამაგიეროდ, ფაქტია, რომ მფლობელი ავტომობილს მაგრად წურავდა. გარეგნულად კი ერთი-ორ ადგილზე ჩანს ნაკაწრები.
ჩვენი განაჩენი მანქანა საკმარისად კარგადაა მოვლილი, ტექნიკური წუნი არ აღენიშნება. ერთი სიტყვით, ყველაფერი რიგზეა - იყიდე, მართე და ისიამოვნე.
პრობლემები
BMW Z4 საერთო ჯამში სოლიდური ავტომობილია, რომელსაც განსაკუთრებული სისუსტეები არ აღენიშნება. ძირითადად ახასიათებს ორი ისეთი პრობლემა, „მესამე სერიებსაც“ (E46) რომ აქვთ ხოლმე: წინა ხიდის სახსრებს უმეტესად 50 000 კილომეტრამდე ექმნებათ პრობლემები, პრობლემატურია უკანა ხიდიც. Z4-ისთვის დამახასიათებელი პრობლემაა ელექტრო-სახურავის ტუმბოს მწყობრიდან გამოსვლაც. ეს ამ ავტომობილის ლოგიკური და ყველაზე ხშირი პრობლემაა.
1. დაკიდება: სავალ ნაწილში პრობლემები პირველ რიგში დაკიდებაზე ჩნდება
2. ქუდი: ყურადღება უნდა მიაქციოთ სახურავს და მის ტექნიკასაც
3. ჰარდი დისკები სწრაფად გამოდის მწყობრიდან, რაც მანქანის სპორტულად ტარების ბრალია
4. უკანა ხიდის ზამბარებიც მტკივნეული თემაა. ორივეს გამოცვლა დაახლოებით 300 ევრო ღირს
ტექნიკური მონაცემები
ძრავა 6-ცილინდრიანი
სარქველები/გამ. ლილვი ცილინდრზე 4/2
მოცულობა 2171 სმ3
სიმძლავრე 125 კვ (170 ცხ.ძ)/6100
ბრუნის მომენტი 210 ნმ/3500
მაქსიმალური სიჩქარე 225 კმ/სთ
აჩქარება 0-100 კმ/სთ 8,0 წამში
ტრანსმისია/ამძრაობა 5-საფ. მექანიკა/უკანა
ავზი/რეკომენდებული საწვავი 55 ლიტრი/Super plus
სიგრძე/სიგანე/სიმაღლე 4091/1781/1299 მმ
საბარგულის მოცულობა 240-260 ლიტრი
წონა/ტვირთამწეობა 1330/220 კგ
დასკვნა
თუ არ ჩავთვლით ყველა BMW-სთვის დამახასიათებელ სავალი ნაწილის პრობლემებს და ხშირად დეფექტურ ტუმბოს, Z4 მართლაც სოლიდურია. ჩემი რჩევა: იყიდეთ 6-ცილინდრიანი ძრავით!
ლარს ბუზემანი