„მერსედესის“ პირველი პიკაპი შემოდგომაზე, პარიზის ავტოშოუზე იქნება წარმოდგენილი. ეს ინფორმაცია ჩვენმა ბრიტანელმა კოლეგებმა (AutoExpress) გაავრცელეს. მართალია, პარიზში მხოლოდ პროტოტიპს ვნახავთ, მაგრამ ესეც საქმეა! თანაც, „მერსედესის“ პიკაპის სერიული წარმოების დაწყების დროც გვიახლოვდება - როგორც იცით, შტუტგარტელთა პიკაპი 2017 წელს უნდა გამოვიდეს.

„მერსედეს-ბენცის“ პიკაპის შესახებ ჯერ კიდევ ბევრი რამ არ არის ცნობილი. ნანახი გვაქვს მხოლოდ ერთადერთი ოფიციალური სკეტჩი და ვიცით ისიც, რომ საუბარია სახელწოდება „X-კლასზე“. თუმცა დაარქმევენ თუ არა „მერსედესის“ პიკაპს „X-კლასს“, ეს ჯერ არ არის გადაწყვეტილი და დადასტურებული.

ცნობილია ისიც, რომ „მერსედესის“ პიკაპი „ნისანთან“ თანამშრომლობით იქმნება და რომ ის ახალი თაობის Nissan Navara-სგან არაერთ დეტალს მიიღებს. ჩვენი გერმანელი კოლეგების ცნობით, ავტომობილი მხოლოდ დიზელის ძრავებით იქნება წარმოდგენილი - საუბარია 188-ცხენისძალიან 4-ცილინდრიანზე (450 ნმ) და 6-ცილინდრიან აგრეგატზე 255 ცხენის ძალით (550 ნმ).

ასევე შეგვიძლია გითხრათ, რომ ”მერსედესის” პიკაპის წარმოება ორ ქარხანაში დაიგეგმა: პირველი ქარხანა არგენტინის ქალაქ კორდობაში მდებარეობს და ”რენოს” ეკუთვნის, მეორე ქარხანა კი ბარსელონაშია და ”ნისანის” საკუთრებაა. შტუტგარტელები „X-კლასის“ სამხრეთ ამერიკაში, ავსტრალიაში, სამხრეთ აფრიკაში, ევროპაში და ჩრდილოეთ ამერიკაში გეგმავენ.

ასევე იხილეთ:
ახალი ამერიკული მონსტრი: Dodge Ram