BMW-მ გაზარდა M3 Touring-ის წარმოება და CS სუპერ ვაგონს ამზადებს. ამის შესახებ M განყოფილების უფროსმა ფრენკ ვან მილმა Bimmer Today-ს განუცხადა. მისი თქმით კომპანიას მოდელზე დიდი მოთხოვნა აქვს და დაადასტურა, რომ ვაგონების წარმოება უნდა გაიზარდოს. BMW ბლოგის პორტალი ამტკიცებს, რომ ბავარიელები ამშავებე M3 CS Touring-ის „ჰარდკორ“ ვერსიას, მაგრამ მისი დებიუტი მხოლოდ იმ შემთხვევაში მოხდება, თუ ქარხანაში იქნება თავისუფალი სიმძლავრეები.

BMW M3 Touring საწარმოო ხაზში გასული წლის სექტემბერში მოხვდა და მიუხედავად იმისა, რომ ვაგონი შეზღუდული არ არის, ფრენკ ვან მიელი მყიდველებს ურჩევს შეკვეთა არ გადადონ. საქმე იმაშია, რომ წარმოების გაზრდის მიუხედავად, შეკვეთის შესრულების ვადა არც კი ფიქრობს, რომ შემცირდეს! მისი პოპუარობა იმდენად მზარდია, რომ მიუნხენში კიდევ უფრო ექსტრემალურ CS-ს ვერსიას ამზადებენ.

ინსაიდერები ხაზს უსვამენ, რომ ვაგონის სპეციალური ვერსიის წარმოებას ჯერ არ აენთო მწვანე შუქი, მაგრამ M3 CS Touring შეიძლება 2024 წელს გამოჩნდეს. ამ შემთხვევაში ის მიიღებს იმავე ტექნიკას რაც აქვს სედანს, ანუ განავითარებს 550 ცხენის ძალას და გამოირჩევა ნახშირბადის ბოჭკოვანი ძარის ნაკრების გაფორმებით.

„დამუხტულ“ ვაგონებზე მოთხოვნის ზრდა BMW-ს ხელს აძლევს, რადგან გზაშია ახალი M5 ოჯახის ბენზინის, ჰიბრიდული და ელექტრო მოდელები. ყველაზე მძლავრი და უსწრაფესი „ხუთიანი“ შემოგთავაზებთ ძარის ორ ტიპს, გარეგნულად კი ბენზინის და „ბატარეის“ მოდელები თითქმის იდენტური იქნება.